زیاب زیاب عەبدوڵا، ناسراو بە (زیاب هەسنی)، پێشمەرگە و هەڤاڵى بارزانى بۆ یەکێتى سۆڤیەت، لە شۆڕشى دووەمى بارزان خەباتکاربووە، لە کۆمارى دیموکراتى کوردستان لە مهاباد پێشمەرگە بووە، بەشداریى شۆڕشى ئەیلوولى کردووە، لە پێشمەرگایەتیدا سەرپەل بووە، ساڵی ١٩٧٥ له‌ گوندی هه‌سنێ كۆچی دوایی كردووه‌ و هه‌ر له‌وێش به‌خاك سپێردراوه‌.

ئیبراهیم شێخۆ مفردی پێشمه‌رگه‌ و ‌هه‌ڤاڵی بارزانی بۆ یەکێتی سۆڤیەت، ساڵی ١٩٠٠ له‌ گوندی لێرێ له‌دایكبووه، لە شۆڕشى ئەیلوول پێشمەرگە بووە، پلەى پێشمەرگایەتى سەرلق بووە‌، ساڵی ١٩٨٤ كۆچی دوایی كردووه‌.

زیاب در زیاب، پێشمەرگە و هەڤاڵى بارزانى بۆ یەکێتى سۆڤیەت، لە شۆڕشى یەکەمى بارزان و شۆڕشى دووەمى بارزاندا خەباتکاربووە، لە کۆمارى دیموکراتى کوردستان لە مهاباد پێشمەرگە بووە، بەشداریى شۆڕشی ئەیلوولى کردووە، ساڵى ١٩٧٥ لە قەزاى عەفەک لە دوورخراوەیى کۆچى دوایى کردووە.

محەمەدئەمین فەقێ حەسەن خزر، ناسراو بە (محەمەدئەمین فەقێ حەسەن ده‌رگه‌ڵه‌یی) پێشمه‌رگه‌ و ‌هه‌ڤاڵی بارزانی بۆ یەکێتی سۆڤیەت‌، چه‌ندین پله‌و به‌رپرسیاریه‌تی له‌نێو شۆڕش وه‌رده‌گرێت، له‌وانه‌: سه‌رپه‌ل، سه‌ر لق، جێگری به‌تالیۆنی چوار، جێگری ئامر هێزی هندرێن، له‌ چه‌ندین شه‌ڕ به‌شدار ده‌بێت...

ئیبراهیم جەلال عەلی ناسراو بە (ئیبراهیم مەلا جەلال)، پێشمه‌رگه‌ و ‌هه‌ڤاڵی بارزانی بۆ یەکێتی سۆڤیەت، ساڵی ١٩١٩ له‌ گوندی تایلانكه‌ندی ڕۆژهه‌ڵاتی كوردستان له‌دایكبووه‌ و لە ساڵی ١٩٨٣ لە پرۆسەی ئەنفالی بارزانییەکاندا لە لایەن حکومەتی عێراقەوە شوێنبزر کراوە.

سەعید عومەر جەمیل، پێشمەرگە و هەڤاڵى بارزانى بۆ یەکێتى سۆڤیەت، لە شۆڕشى دووەمى بارزان خەباتکاربووە، لە کۆمارى دیموکراتى کوردستان لە مهاباد پێشمەرگە بووە، بەشداریى شۆڕشى ئەیلوولى کردووە، له‌ ڕێكه‌وتی ٣١ ته‌مووزی ١٩٨٣ له‌ ئۆپراسیۆنی ئه‌نفالی بارزانییه‌كان له‌لایه‌ن حكومه‌تی عێراقی شوێنبزر ده‌كرێن.

رەشید عەزیز حەمید، پێشمەرگە و هەڤاڵى بارزانى بۆ یەکێتى سۆڤیەت، ساڵى ١٩٢٠ لە گوندى ئەرگۆش لەدایکبووە، ساڵى ١٩٦٢ هەر لە هەمان گوند کۆچى دوایى کردووە.

ڕەزاخان حەسەن خان میربەگ، ناسراو بە (خودێدا حەسەن)، پێشمەرگە و هەڤاڵى بارزانى بۆ یەکێتى سۆڤیەت، ساڵى ١٩٢٧ لە گوندى سولکى لەدایکبووە، لە سۆڤیەت چەند مانگێک لە زیندانى تاکەکەسى بووە، لەو هەڤاڵانەى بارزانى بووە کە بۆ داواکردنى خوێندن چوونەتە مۆسکۆ، بەشداریى شۆڕشى ئەیلوولى کردووە، لە پێشمەرگایەتى بەرپرسى ئیدارى کۆگاى لەشکرى یەک بووە، ساڵى ١٩٩١ کۆچى دوایى کردووە.

حسێن عەبدولقادر حسێن، پێشمەرگە و هەڤاڵى بارزانى بۆ یەکێتى سۆڤیەت، ساڵى ١٩٢٠ لە کۆیە لەدایکبووە، لە شۆڕشى ئەیلوول پێشمەرگە بووە، ساڵى ١٩٧٥ کۆچى دوایى کردووە.

ئیبراهیم حەسەن ئیبراهیم ناسراو به‌ (برایم حه‌سه‌ن)، پێشمه‌رگه‌ و ‌هه‌ڤاڵی بارزانی بۆ یەکێتی سۆڤیەت. ساڵی ١٩١٠ له‌ گوندی بێبێل له‌دایكبووه‌، لە شۆڕشى ئەیلوول بەشداریکردووە، لە پێشمەرگایەتیدا سەرپەل بووە، ساڵی ١٩٦١ له‌ چیای قه‌له‌نده‌ر شه‌هید بووه‌.

رەشید عەزیز رەشید، پێشمەرگە و هەڤاڵى بارزانى بۆ یەکێتى سۆڤیەت، ساڵى ١٨٩٦ لە گوندى بیرەکەپرا لەدایکبووە، ساڵى ١٩٦٣ لە گوندى بلێ کۆچى دوایى کردووە.

سەعید عومەر سەعید، پێشمه‌رگه‌ی شۆڕشی دووه‌می بارزان و هه‌ڤالی بارزانی بۆ یه‌كێتی سۆڤیه‌ت، ساڵی ١٩٤٣ په‌یوه‌ندی به‌ ڕێزه‌كانی شۆڕشی دووه‌می بارزان كردووه‌‌، له‌ ٣١ی ئاداری ١٩٤٦ له‌ هێزی بارزان سه‌ر به‌ سوپای كۆماری دیموكراتی كوردستان له‌ مه‌هاباد خزمه‌تی پێشمه‌رگایه‌تی كردووه‌، ساڵی ١٩٦١ به‌شداری شۆڕشی ئه‌یلوولی كردووه‌، ساڵی ١٩٨١ له‌ شاره‌دێی به‌حركه‌ كۆچی دوایی كردووه‌.