مەلا سلێمان موسا، پێشمەرگە و هەڤاڵى بارزانى بۆ یەکێتى سۆڤیەت، ساڵى ١٩٢٤ لە ئاکرێ لەدایکبووە، لە کۆمارى دیموکراتی کوردستان لە مهاباد پێشمەرگە بووە، لە شۆڕشى ئەیلوول بەشداریکردووە، لە ساڵى ٢٠٠٥ کۆچى دوایی کردووە.

سلێمان شەریف مەلا حەسەن، پێشمەرگە و هەڤاڵى بارزانى بۆ یەکێتى سۆڤیەت، لە شۆڕشی دووەمی بارزان خەباتکاربووە، لە کۆمارى دیموکراتى کوردستان لە مهاباد پێشمەرگە بووە، ساڵى ١٩٦٨ لە گوندى بارزان کۆچى دوایى کردووە.

سلێمان عومەر عەبدوڵا، پێشمەرگە و هەڤاڵى بارزانى بۆ یەکێتى سۆڤیەت، له‌ ٥ ئه‌یلوولی ١٩٥٩ به‌شداری شه‌ڕی لۆلان (هه‌ولێر)ی كردووه‌ و له‌م شه‌ڕه‌ شه‌هید بووه‌.

سلێمان شاوەلی عوسمان، پێشمەرگە و هەڤاڵى بارزانى بۆ یەکێتى سۆڤیەت، به‌شداری شۆڕشی ئەیلوولی كردووه‌، له‌ ١٣ ته‌مووزی ١٩٦٣ له‌ شه‌ری به‌ردین شه‌هید بووه.

سلێمان خاڵ ئال، پێشمەرگە و هەڤاڵى بارزانى بۆ یەکێتى سۆڤیەت، لە شۆڕشی دووەمی بارزان خەباتکاربووە، لە کۆماری دیموکراتی کوردستان لە مهاباد پێشمەرگە بووە، لە شۆڕشی ئەیلوول بەشداریى کردووە..

سلێمان حەکیم یاسین، پێشمەرگە و هەڤاڵى بارزانى بۆ یەکێتى سۆڤیەت، لە شۆڕشی دووەمی بارزان خەباتکاربووە، لە کۆمارى دیموکراتى کوردستان لە مهاباد پێشمەرگە بووە، لە شۆڕشی ئەیلوول بەشداربووە و لە پێشمەرگایەتیدا دووجار بریندار بووە، هەڵگرى میدالیاى بارزانییە، له‌ ١٥ تشرینی دووه‌می ٢٠١١ له‌ هه‌ولێر كۆچی دوایی كردووه‌.

سەلیم خان مەرعان عومەر، پێشمەرگە و هەڤاڵى بارزانى بۆ یەکێتى سۆڤیەت، ساڵى ١٩٢٠ لە گوندى بێدۆد لەدایکبووە، لە کۆمارى دیموکراتى کوردستان لە مهاباد پێشمەرگە بووە، لە هەردوو شۆڕشى ئەیلوول و شۆڕشى گوڵان بەشداریى کردووە، لە پێشمەرگایەتیدا سەرپەل بووە، ساڵى ١٩٩١ لە شنۆ کۆچى دوایى کردووە.

بێجان جندۆ عەلى، پێشمه‌رگه‌ و ‌هه‌ڤاڵی بارزانی بۆ یەکێتی سۆڤیەت، لە پێشمەرگایەتیدا سەرقۆڵ بووە و دواتریش بووە بە فەرماندەى بەتالیۆن، پاش گەڕانەوەى لە یەکێتى سۆڤیەت بووە بە مامۆستاى زانکۆ لە بەغدا، ساڵى ١٩٧٩ لە گوندى هودەر شەهید بووە...

حسێن میرخان غەزالى، ناسراو بە (حسۆ میرخان ژاژوکى)، پێشمەرگە و هەڤاڵى بارزانى بۆ یەکێتى سۆڤیەت، ساڵى ١٩٣٢ لە گوندى ژاژوک لەدایکبووە، لە پێشمەرگایەتیدا سەرقۆڵ، فەرماندەى هێز بووە و دووجار برینداربووە، ساڵى ١٩٨٣ شەهیدبووە.

سەلیم عەزیز سەلیم، پێشمەرگە و هەڤاڵى بارزانى بۆ یەکێتى سۆڤیەت، لە شۆڕشى دووەمى بارزان خەباتکاربووە، لە کۆمارى دیموکراتى کوردستان لە مهاباد پێشمەرگە بووە، لە هەردوو شۆڕشى ئەیلوول و شۆڕشى گوڵاندا پێشمەرگە بووە، لە پێشمەرگایەتیدا سەرپەل بووە، بەشداریى داستانى شەڕى خواکوڕکى کردووە، هەڵگرى میدالیاى بارزانییە، لە ساڵى ٢٠١١ کۆچى دوایى کردووە.

سەلیم ڕەشید سەلام، پێشمەرگە و هەڤاڵى بارزانى بۆ یەکێتى سۆڤیەت، لە شۆڕشى دووەمى بارزان خەباتکاربووە، لە کۆمارى دیموکراتى کوردستان لە مهاباد پێشمەرگە بووە، بەشداریى شۆڕشی ئەیلوولى کردووە و دواى نسکۆ ڕاگوێزراوەتە باشوورى عێراق، لە ساڵى ٢٠٠٦ کۆچى دوایى کردووە.

سەلیم عیسا یاسین، پێشمەرگە و هەڤاڵى بارزانى بۆ یەکێتى سۆڤیەت، لە شۆڕشى یەکەم و شۆڕشى دووەمى بارزان خەباتکاربووە، لە کۆمارى دیموکراتى کوردستان لە مهاباد پێشمەرگە بووە و سەرپەلى پێشمەرگە بووە، بەشداری شۆڕشى ئەیلوول کردووە و لە بارەگاى بارزانى بووە، لە ساڵى ١٩٨٦ لە تاران کۆچى دوایى کردووە.