خواجە حاجى مەولوود، پێشمەرگە و هەڤاڵى بارزانى بۆ یەکێتى سۆڤیەت، ساڵى ١٩٢٠ لە گوندى هوپە لەدایکبووە، لە شۆڕشى ئەیلوول پێشمەرگە بووە، ساڵى ١٩٧٠ کۆچى دوایى کردووە.

خەلیل ئیبراهیم عوسمان، پێشمەرگە و هەڤاڵى بارزانى بۆ یەکێتى سۆڤیەت، ساڵى ١٩٢٠ لە گوندى ئەرگۆش لەدایکبووە، لە شۆڕشى دووەمى بارزان خەباتکاربووە، لە شۆڕشى ئەیلوول پێشمەرگە بووە و لە پێشمەرگایەتى سەرلق بووە و چوارجار برینداربووە، ساڵى ١٩٩١ لە گوندى ڕەزگە کۆچى دوایى کردووە.

ڕەحمان مەحموود ئەحمەد، ناسراو بە (ڕەحمان مەحموودە سوور)، پێشمەرگە و هەڤاڵى بارزانى بۆ یەکێتى سۆڤیەت، پێشمەرگەى شۆڕشى ئەیلوول بووە، ساڵى ١٩٢٧ لە گوندى دەرگەڵە لەدایکبووە، ساڵى ١٩٩٧ لە تاشکەند کۆچى دوایى کردووە.

ڕەشید کەریم سلێمان، ناسراو بە (ڕەشۆ کەریم)، پێشمەرگە و هەڤاڵى بارزانى بۆ یەکێتى سۆڤیەت، ساڵى ١٩٢٧ لە گوندى ماواتا لەدایکبووە، لە شۆڕشى دووەمى بارزان خەباتکاربووە، لە کۆمارى کوردستان لە مهاباد پێشمەرگە بووە، بەشداریى شۆڕشى ئەیلوولى کردووە، گیراوە و ماوەیەک لە زیندان بووە، ساڵى ١٩٧٦ لە ماواتا کۆچى دوایى کردووە.

ڕەسول مەلامحەمەد تاجەددین، ناسراو بە (مەلا ڕەسول)، پێشمەرگە و هەڤاڵى بارزانى بۆ یەکێتى سۆڤیەت، ساڵى ١٩٢٧ لە قەزاى مێرگەسۆر لەدایکبووە، لە شۆڕشى دووەمى بارزان خەباتکاربووە، لە کۆمارى کوردستان لە مهاباد پێشمەرگە بووە، خۆى و دوو برا یاوەرى جەنەڕاڵ مستەفا بارزانییان کردووە بۆ یەکێتى سۆڤیەت، ساڵى ١٩٥٢ لە سەمەرقەند کۆچى دوایی کردووە.

دەروێش میرۆ محەمەدئەمین، پێشمەرگە و هەڤاڵى بارزانى بۆ یەکێتى سۆڤیەت، ساڵى ١٩٢٥ لە گوندى بێرسیاڤ لەدایکبووە، لە شۆڕشى دووەمى بارزان خەباتکاربووە، لە کۆمارى کوردستان لە مهاباد پێشمەرگە بووە، پاسەوانى تایبەتى مەلا مستەفا بارزانى بووە، لە پیلانى تیرۆرکردنى سەرۆک مستەفا بارزانى برینداربووە، سەرقوڵەى پاسەوانەکانى سەرۆک مەسعود بارزانیی بووە، بەشداریى ڕاپەڕینى گەلى کوردستانى کردووە، هەڵگرى میدالیاى بارزانییە، ساڵى ٢٠٠٠ لە گوندى بێرسیاڤ کۆچى دوایى کردووە.

دەروێش کەکۆ قورتاس، پێشمەرگە و هەڤاڵى بارزانى بۆ یەکێتى سۆڤیەت، ساڵى ١٩٢٤ لە گوندى لێرەبیر لەدایکبووە، لە شۆڕشى دووەمى بارزان خەباتکار و لە کۆمارى کوردستان لە مهاباد پێشمەرگە بووە، بەشدارى هەردوو شۆڕشى ئەیلوول و گوڵانى کردووە، لە پێشمەرگایەتیدا سەرپەل بووە و یەک جار برینداربووە، لە ١٧ى ئەیلوولى ساڵى ٢٠٠٠ لە گوندى لێرەبیر کۆچى دوایى کردووە.

ئەینۆ شوکور داود، ناسراو به‌ (ئەینۆ توێیى)، پێشمه‌رگه‌ و ‌هه‌ڤاڵی بارزانی بۆ یەکێتی سۆڤیەت، ساڵی ١٩١٠ له‌ گوندی توێ له‌دایكبووه‌‌ و ساڵی ١٩٦٩ له‌ هیران و نازه‌نین له‌ كاتی ئه‌ركی پێشمه‌رگایه‌تی كۆچی دوایی كردووه‌.

ئەسکەندەر عبدولسەلام بریندار ناسراو‌ به‌ ئه‌سكه‌نده‌ر مه‌لا سه‌لام پێشمه‌رگه‌ و ‌هه‌ڤاڵی بارزانی بۆ یەکێتی سۆڤیەت، ساڵی ١٩٢٥ له‌ گوندی چێ له‌دایكبووه‌ و ساڵی ١٩٥٧ له‌ یه‌كێتی سۆڤیەت كۆچی دوایی كردووه‌.

ئەسعەد محەمەد خالید، ناسراو به‌ (ئه‌سعه‌د حه‌م)، پێشمه‌رگه‌ و ‌هه‌ڤاڵی بارزانی بۆ یەکێتی سۆڤیەت، ساڵی ١٩٢٠ له‌ گوندی بازی له‌دایكبووه‌‌ و‌ ساڵی ١٩٨٣ له‌ پرۆسەی ئه‌نفالی بارزانییه‌كاندا لە لایەن حکومەتی عێراقەوە شوێنبزر کراوە.

ئەسعەد سلێمان قادر، ناسراو بە (ئەسعەد سلێمان)، پێشمه‌رگه‌ و ‌هه‌ڤاڵی بارزانی بۆ یەکێتی سۆڤیەت‌، ساڵی 1920 له‌ گوندی دێزۆ له‌دایكبووه‌ و ساڵی ١٩٦١ شەهیدبووە.

دەروێش عومەر عەزیز، پێشمەرگە و هەڤاڵى بارزانى بۆ یەکێتى سۆڤیەت، ساڵى ١٩٢٦ لە گوندى ئەرگۆش لەدایکبووە، لە شۆڕشى دووەمى بارزان خەباتکاربووە، لە کۆمارى کوردستان لە مهاباد پێشمەرگە بووە، بەشداریى شۆڕشى ئەیلوولى کردووە، لە شۆڕشى گوڵان پێشمەرگە بووە، لە پێشمەرگایەتیدا فەرماندەى بەتالیۆن بووە و چەندجارێک برینداربووە، لە شەڕى خواکوڕک بەشداربووە، لە ساڵى ١٩٩٠ لە تاران کۆچى دوایى کردووە.