جەمال عەزیز محەمەد ئەحمەد ناوسراوە بە (جەمال دۆڵەسوری )، پێشمەرگەی شۆڕشی گوڵان بووە، لە ساڵی ١٩٨٢ لە ڕووبەڕووبونەوە لەگەڵ جاشەکانی ڕژێمی بەعس لە دەشتی شارەزوور شەهید بووە.

شه‌هید عەزیز محەمەدئەمین ڕۆستەم ڕەسوڵ، پێشمەرگەی شۆڕشی ئەیلوول و ڕاپەڕینە مەزنەکەی خەڵکی کوردستان بووە، ماوەی یەک ساڵ زیندانی سیاسی بووە، دوای نسکۆی ئاوارەی وڵاتی ئێران بووە، لە ڕاپه‌ڕینی ساڵی ١٩٩١ و ئازادكردنی شاری هه‌ولێر شه‌هید بووه‌.

قادر کەریم مەحمود مستەفا، پێشمەرگەی شۆڕشی ئەیلوول بووە، لە ساڵی ١٩٧٤ دوای ڕووبەڕوو بوونەوە لەگەڵ سەربازانی ڕژێم و گواستنەوەی جەستەی هاوسەنگەرە شەهیدەکانی لە پشت ناحیەی عەربەت بەر مینی چێندراو کەوتووە و شەهید بووە

جەبار حەمەدئەمین ئەحمەد حەمەد ناسراوە بە (جەبار حاجی دۆشاو)، پێشمەرگەی شۆڕشی گوڵان بووە، دوای نسکۆی شۆڕشی ئه‌یلوول له‌گه‌ڵ بنەماڵەکەی ئاوارەی وڵاتی ئێران بوونە، پلەی ئەندامی لێژنه‌ ناوچەی شەقڵاوەی وەرگرتووە، لەلایەن ئەمنی شەقڵاوە وە دەستگیرکراووە و تائێستاش هیچ سۆراغێکی نیە و بێ سەروشوێنە .

غەریب عارف رەسوڵ کەریم، پێشمەرگەی شۆڕشی گوڵان بووە، لە ژیانی پێشمەرگایەتی پلەی سەرپەلی وەرگرتووە، لە ساڵی ١٩٨٧ لە داستانی ئەحمەد ئاوا شەهید بووە.

برزوو جەعفەر ئەحمەد کەریم ناسراوە بە (برزوو دۆڵەسوری)، پێشمەرگەی شۆڕشی گوڵان و راپەرینە جەماوەریەکەی خەڵکی کوردستان بووە، لە ژیانی پێشمەرگایەتی پلەی فەرماندەی مەفرەزەی وەرگرتووە، لە ساڵی ١٩٩١ و لە ئازادکردنی شاری کەرکوک شەهید بووە.

سەلام کامل مەحمود عەلی، پێشمەرگەی شۆرشی گوڵان بووە، ساڵی ١٩٧٩ پەیوەندی بە رێکخستنەکانی پێنجوێنى پارتى دیموکراتى کوردستانەوە کردووە، ساڵی ١٩٨٢ پەیوەندی بە هێزەکانی پێشمەرگەوە کردووە، پلەی کارگێری ناوچەی پێنجوێنی وەرگرتووە و کارگێری بەشی سەربازی و دارایی بووە، ساڵی ١٩٨٧ لە شەری ئەحمدئاوا-سورێن شەهید دەبێت و لە گۆخڵان بە خاک دەسپێردرێت.

ئەبوبەکر محەمەد ساڵح مەحمود ناسراوە بە (بەکرە سمێڵ)، له‌ سه‌رده‌می شۆڕشی ئه‌یلوول کادری ڕێکخستنەکانی پارتی دیموکراتی کوردستان بووە، پێشمەرگەی شۆڕشی گوڵان و ڕاپەرینە جەماوەریەکەی خەڵکی کوردستان بووە، لە ژیانی پێشمەرگایەتی پلەی سەرلقی وەرگرتووە، لە ساڵی ١٩٩١ لە ئازادکردنی شاری کەرکوک شەهید بووە.

خالید ئەسعەد عەزیز خوسێن، پێشمەرگەی شۆڕشی ئەیلوول، پلەی سەردەستە و سەرپەلی وەرگرتووە، كادری لێژنه‌ ناوچه‌ی شه‌قڵاوه‌ بووه‌، لە ژیانی سیاسی خۆیدا پلەی کادری ناوچەی وەرگرتووە، كاری ڕێكخستنی نهێنی كردووه‌ له‌ سنووری لێژنه‌ ناوچه‌ی شه‌قڵاوه‌، ساڵی ١٩٨٨ له‌ گوندی ئەسپیندارە له‌گه‌ڵ هەشت کادری تر دەکەونە بۆسەی سەربازانی ڕژێمی بەعس و لە سێدارە ده‌درێن.

شه‌هید کەمال هەمزە وسو حسێن، پێشمەرگەی هەردوو شۆڕشی ئەیلوول و شۆڕشی گوڵان بووە، پلەی سەرپەلی وەرگرتووە، دوای نسکۆی شۆڕش ئاوارەی وڵاتی ئێران بووە، لە ساڵی ١٩٨٣ لە گوندی ئێنزە و لێوژەی دەڤەری قەڵادزێ شەهید بووە، به‌ فەرمانی سەرۆک مەسعود بارزانی لە ساڵی ٢٠٠٩ بە مەڕاسیمێکی شایستە تەرمه‌كه‌ی گواسترایەوە بۆ شاره‌دێی گۆڕەتو له‌ قه‌زای مێرگه‌سۆر.

شه‌هید ئەحمەد حەمەدئەمین ئەحمەد حەمەد ناسراوە بە (ئەحمەد حاجی دۆشاو)، پێشمەرگەی شۆڕشی گوڵان بووە، لە ساڵی ١٩٨٨ لە داستانی خواکوڕک ئەحمەد شەھید بووە.

جەمال هەمزە وسو حسێن، پێشمەرگەی هەردوو شۆڕشی ئەیلوول و شۆڕشی گوڵان بووە، پلەی سەرپەلی وەرگرتووە، دوای نسکۆی شۆڕش ئاوارەی وڵاتی ئێران بووە، لە ساڵی ١٩٨٣ لە گوندی ئێنزە و لێوژەی دەڤەری قەڵادزی شەهید بووە، به‌ فەرمانی سەرۆک مەسعود بارزانی لە ساڵی ٢٠٠٩ بە مەڕاسیمێکی شایستە تەرمه‌كه‌ی گواسترایەوە بۆ شاره‌دێی گۆڕەتو له‌ قه‌زای مێرگه‌سۆر.