ئەبوبەکر عومەر سێوک لێلکانى، ساڵى ١٩٥٣ لە گوندى لێلکان سەر بە ناحیەى سیدەکان پارێزگاى هەولێر لەدایک بووە، تا قۆناغى سەرەتایی خوێندووە، ساڵى ١٩٨٨ ئاوارەى وڵاتى ئێران دەبێت و لە ئۆردوگاى بارزان ئابادی شارى شنۆ نیشتەجێ دەبێت، ژیانى هاوسەرگیرى پێک هێنابوو و خاوەنى سێ کوڕ و سێ کچە، ساڵى ١٩٩١ دواى ڕاپەڕینى جەماوەرى باشوورى کوردستان دەگەڕێتەوە کوردستان.

مستەفا عومەر سێوک لێلکانى، ساڵى ١٩٧٣ لە گوندى لێلکانى ناحیەى سیدەکان سەر بە پارێزگاى هەولێر لەدایک بووە، تا قۆناغى سەرەتایی خوێندووە، ساڵى ١٩٨٨ ئاوارەى وڵاتى ئێران دەبێت، ساڵى ١٩٩١ دواى ڕاپەڕینى جەماوەرى باشوورى کوردستان دەگەڕێتەوە باشوورى کوردستان.

مەعروف قادر عەلى، ناسراو بە مارف چۆمانى، ساڵى ١٩٥٦ لە گوندى چۆمانى سوایل ئاغا لە ناحیەى سمیلان سەر بەقەزاى چۆمانى پارێزگاى هەولێر لەدایک بووە، ساڵى ١٩٧٥ دواى نسکۆی شۆڕشی ئەیلوول ئاوارەى وڵاتى ئێران دەبێت و لە ئۆردوگاى بەهرەم نیشتەجێ دەبێت

عیسا سێوک لێلکانی، ساڵى ١٩٥٢ لە گوندى لێلکان سەر بە ناحیەى سیدەکان پارێزگاى هەولێر لەدایک بووە، تا قۆناغى ناوەندى خوێندووە، ساڵى ١٩٧٥ دواى نسکۆی شۆڕشی ئەیلوول ئاوارەى وڵاتى ئێران دەبێت و لە ئەعزەمیەى شارى کەرەج پاسەوانى ماڵى کاک ئیدریس بارزانى دەبێت، لە وڵاتى ئێران ژیانى هاوسەرگیرى پێک دەهێنێت و خاوەنى دوو کوڕ و کچێکە.

مەقسود فەقێ ئۆمەر حەمەد، ساڵى ١٩٥٥ لە گوندی ئامۆکا سەر بەناحیەى حەریر قەزاى شەقڵاوەی پارێزگاى هەولێر لەدایک بووە، خێزاندار بووە و خاوەنى چوار کوڕ و دوو کچە.

عومەر تەها مەحمود، ساڵى ١٩٥٥ لە گوندى شیڤێی سەر بە مزوورى باڵاى قەزاى مێرگەسۆرى پارێزگاى هەولێر لەدایک بووە، خاوەنى دوو کوڕ و سێ کچە، ساڵى ١٩٧٥ دواى نسکۆى شۆڕشی ئەیلوول ئاوارەى وڵاتى ئێران دەبێت و لە ئۆردوگاى زێوەى نیشتەجێ دەبێت، پاشان دەگوازرێتەوە بۆ شارى کرمان لەناوەڕاستى وڵاتى ئێران. ساڵى ١٩٩١ دواى ڕاپەڕینى خەڵکى باشوورى کوردستان، خانەوادەکەى دەگەڕێنەوە و لە شارى سۆران نیشتەجێ دەبن.

عەبدوڵا سۆفى عەلى، لە ١ى تەمموزى ١٩٥٢ لە گوندى فەقیانى سەر بە قەزاى ڕواندزى پارێزگاى هەولێر لەدایک بووە، لەگوندى فەقیان چۆتە بەر خوێندن، پاشان بۆ تەواوکردنى قۆناغى ناوەندى چۆتە شارى ڕواندز لەوێ قۆناغى ناوەندى تەواو کردووە. ساڵى ١٩٧٥ دواى نسکۆی شۆڕشی ئەیلوول ئاوارەى وڵاتى ئێران دەبێت و لە شارى ساوە نیشتەجێ دەبێت، ساڵى ١٩٩١ دواى ڕاپەرینی خەڵکی باشووری کوردستان دەگەڕێتەوە و لە شارى ڕواندز نیشتەجێ دەبێت.

مستەفا سۆفی عەلی، ناسراو بەمستەفا فڕنیچی، ساڵى ١٩٤٧ لە گوندى فەقیانى سەر بە قەزاى ڕواندزى پارێزگاى هەولێر لەدایک بووە، ساڵى ١٩٧٥ دواى نسکۆى شۆڕشى ئەیلوول ئاوارەى وڵاتى ئێران دەبێت و لە شارى ساوە نیشتەجێ دەبێت، ساڵى ١٩٩٣ دواى ڕاپەڕینى خەڵکى باشوورى کوردستان بۆ شارى ڕواندز دەگەڕێتەوە.

محەمەد خدر محەمەد، ناسراو بە مەمەدەڕەش ڕواندزى، ساڵى ١٩٣٢ لە گوندى کانییە قوڕى قەزاى ڕواندزى پارێزگاى هەولێر لەدایک بووە، لەتەمەنى منداڵى باوکى کۆچى دوایی دەکات، بۆیە لەبەر ئەرکى بەرپرسیاریەتى ماڵ بەخێوکردن نەیتوانیوە بچێتە بەر خوێندن. ساڵى ١٩٥٥ ژیانى هاوسەرگیرى پێکهێناوە، خاوەنى شەش کوڕ و کچێک بووە.

خدر محەمەد خدر، ناسراو بە خدر مەمەدەڕەش ڕواندزی، لە ١٦ی ئابى ١٩٥٧ لە شارى ڕواندز سەر بە پارێزگاى هەولێر لەدایک بووە، قۆناغى خوێندنى سەرەتایی لە شارى ڕواندز تەواو کردووە، ساڵى ١٩٧٥ لە دواى نسکۆی شۆڕشی ئەیلوول ئاوارەى وڵاتى ئێران دەبێت و لەشارى یەزد نیشتەجێ دەبێت. ساڵى ١٩٩١ دواى ڕاپەڕینى خەڵکى باشوورى کوردستان دەگەڕێتەوە نیشتمان و لەشارى ڕواندز نیشتەجێ دەبێت.

عەبدوڵا حسێن، ناسراو بە عەوڵا ڕەش ڕوستایی، ساڵى ١٩٥٣ لەگوندى ڕوستى قەزاى چۆمان سەر بە پارێزگاى هەولێر لەدایک بووە، ساڵى ١٩٧٥ دواى نسکۆى شۆڕشى ئەیلوول ئاوارەى وڵاتى ئێران بووە و لە لە شارى نەغەدە نیشتەجێبووە، ساڵى ١٩٩١ دواى ڕاپەڕینى خەڵکى کوردستان گەڕاوەتەوە و لە شارى سۆران نیشتەجێبووە.

یونس عەبدولعەزیز پێشمەرگەی شۆڕشی گوڵان بووە، لە ساڵی ١٩٨٦ لە دەڤەری زورگەزراوی شەهید دەبێت.