عەبدولڕەحمان محەمەد شەڕەفکەندی، ناسراو بە هەژار موکریانی، لە ١٣ی نیسانی ١٩٢١ لە شاری مهاباد ڕۆژهەڵاتی کوردستان لە خانەوادەیەکی ڕۆشنبیر و کوردپەروەر لەدایک بووە، هەژار کوڕی حاجی مەلا محەمەد شەڕەفکەندی کەسایەتی دیاری کوردستان و برای سادق شەڕەفکەندی سکرتێری گشتی حیزبی دیموکراتی کوردستانی ئێران بووە.

ئەحمەد ئیبراهیم مستەفا، ناسراو بە ئەحمەد خەلانی، ساڵی ١٩٥٠ لە گوندی خەلانی ناحیەى حاجى ئۆمەرانى قەزاى چۆمان پارێزگاى هەولێر لەدایک بووە، ساڵی ١٩٧٥ دوای نسکۆی شۆڕشی ئەیلوول، ئاوارەى وڵاتى ئێران بووە و لەگەڵ کەریم سنجاری، شەکیب ئاکرەیی و ئازاد بەرواری چووەتە نەغەدە، بەڵام زۆر لەوێ نەماوەتەوە و گەڕاوەتەوە بۆ گوندی خەلان...

ئەحمەد ڕەسول عەلی حسێن، ناسراو بە ئەحمەد بڕنۆ، ساڵی ١٩٤٩ لە گوندی گرتگی دەڤەری باڵەکایەتی قەزاى چۆمان سەر بە پارێزگاى هەولێر لەدایک بووە، ساڵى ١٩٧٥ دواى نسکۆی شۆڕش ئەیلوول ئاوارەى وڵاتى ئێران بووە و لە پیرانشارى ڕۆژهەڵاتى کوردستان ئاکنجى بووە، پاش ماوەیەک بۆ ئوردۆگای سەراونیلوفەری شارى کرماشان گوزراوەتەوە، دواى مانەوەى ماوەیەک لەو شارە لەوێشەوە بۆ بەندەربوشەهر گوزراوەتەوە، ساڵى ١٩٩١ دواى ڕاپەڕینى جەماوەرى کوردستان دەگەڕێتەوە نیشتمان و لە شارى سۆران نیشتەجێ دەبێت.

ئیسماعیل سادق بێتکاری ناسراو بە ئیسماعیل بێتکاری، ساڵی ١٩٥١ لە گوندی بێتکار سەربەقەزای ئامێدی لەدایک بووە، ساڵی ١٩٦٩ پەیوەندی بە شۆڕشی ئەیلوول دەکات و لە بەتالیۆنی هێزی دهۆک بۆتە پێشمەرگە کە سەلیم ئەسعەد خۆشەوی فەرماندەی بەتالیۆن بووە، تا ساڵی ١٩٧٥ لەو هێزە خەباتی کردووە و بەشداری لە شەڕی سەرتیز، گەروی ئۆمەرئاغا، کەلی شەدا (کێلیا شەدا) لەدەڤەری دهۆک کردووە، دوای نسکۆی شۆڕش لەساڵی ١٩٧٥ ئیسماعیل سادق گەڕاوەتەوە بۆ گوندەکەی خۆی.

ئیبراهیم محەمەد عەزیز، ناسراو بە ئیبراهیم ڕەشاوەی (ڕەشاڤەیی)، ساڵی ١٩٢٨ لە گوندی ڕەشاوەی لە ناوچەی نەهێلی سەربەقەزای ئامێدی پارێزگاى دهۆک لەدایک بووە، ساڵی ١٩٥٩ پەیوەندی بەڕیزەکانی پارتی دەکات و ساڵی ١٩٦١ لەگەڵ هەڵگیرسانی شۆڕشی ئەیلوول بەچەکی خۆی چۆتە ناو ڕیزەکانی پێشمەرگە

محەمەد زەکی حەسەن، ساڵی ١٩٥٣ لە گوندی بییە لە دەڤەری بەرێگارێ سەر بەقەزای ئامێدی پارێزگاى دهۆک لەدایک بووە، ساڵی ١٩٧٤ پەیوەندی بە هێزى پێشمەرگەى شۆڕشی ئەیلوول دەکات و لە هێزی هەڵگورد لەلای دلۆڤان ساڵح عەبدولعەزیز بۆتە پێشمەرگە، ساڵی ١٩٧٥ دوای نسکۆی شۆڕشی ئەیلوول ئاوارەى وڵاتى ئێران بووە و چووەتە شاری نەغەدە لە ڕۆژهەڵاتی کوردستان و دواتر لە ئوردۆگای جەهرم نیشتەجێ کراوە و لەوێوە گواستراوەتەوە بۆ شاری زاهیدان لە پارێزگای سیستان و بلوچستان لە رۆژهەڵاتی ئێران.

عەبدولڕەحمان ڕەسول حاجی خەلیل ناسراو بە ئەبو شڤان، ساڵی ١٩٤٥ لە شارى زاخۆی سەر بە پارێزگاى دهۆک لەدایک بووە، لەسەرەتای ساڵی ١٩٧٠پەیوەندی کردووە بە ڕیزەکانی پارتی دیموکراتی کوردستان، ساڵی ١٩٧٢ کە هێزی شنگار دامەزرێندرا، پەیوەندی بەو هێزەوە کردووە کە مەلا حسێن ماڕەنی فەرماندەی هێز بووە، ساڵی ١٩٧٥ دوای نسکۆی شۆڕشی ئەیلوول چووەتە گوندی بانكێ و لەگەڵ کۆمەڵێک پێشمەرگەی دیکە بڕیاریان داوە کە ئازاد بن لە چوونیان بۆ وڵاتی ئێران یان مانەوە...

عومەر عەلی هالۆ سندی، ساڵی ١٩٤٩ لە گوندی بۆسەل لەشارۆچکەی دەرکار سەربە قەزای زاخۆی پارێزگاى دهۆک لەدایک بووە، ساڵی ١٩٦٢ عەلی هالۆی باوکی فەرماندەی بەتالیۆنی یەکی (١) پێشمەرگە لە زاخۆ بووە، لەو سەردەمەدا عومەر عەلی کارەکانی نووسینی باوکی بەڕێوەبردووە، لە ٢٨ی ئەیلوولی ١٩٦٨ عەلی هالۆ لەشەڕی باتیفا شەهید بووە و عومەری کوڕی جێگەی گرتۆتەوە و لە شەڕەکانی کەمەکا و چیای زاخۆ بەشدار بووە.

محەمەد سەلیم ئەحمەد عەبدولڕەحمان باجلوری، ساڵى ١٩٠٢ لە گوندی باجلوری لە ناوچەی زاویتە سەر بە پارێزگای دهۆک لە دایکبووە، یەکێک بووە لە پەیڕەوانی شێخانی بارزان و بەشداری شۆڕشی یەکەمى (١٩٣١-١٩٣٢)ی بارزانى کردووە، دواى نسکۆی شۆڕش لەگەڵ جەنگاوەرانى بارزانی چووەتە باکووری کوردستان و دوای ماوەیەک گەڕاوەتەوە بۆ گوندەکەیان...

سلێمان ئیسماعیل جەهانگیر، ساڵی ١٩٢٧ لە گوندی بۆتیا لە پارێزگای دهۆک لەدایک بووە، ساڵی ١٩٥٩ پەیوەندی بەڕیزەکانی پارتی دیموکراتى کوردستان کردووە، ساڵی ١٩٦١ لە سنوورى لێژنە ناوچەى دهۆک لە لقی یەک (١) بۆتە کادیر، ساڵی ١٩٦٧ پلەی سەرقۆڵی پێشمەرگەکانی لێژنەی ناوچەی دهۆکی پێ سپێردراوە...

خەلیل ئەمین جەلیل حەجی، ساڵی ١٩٥٥ لە گوندی هیتۆت سەر بە قەزای ئامێدی پارێزگاى دهۆک لەدایک بووە، ئەمین جەلیلی باوکی لەگەڵ حەسۆ میرخان دۆلەمەری پێشمەرگەی شۆڕشی ئەیلوول بووە، خەلیل ئەمین لەتەمەنی دوانزدە ساڵیەوە تێکەڵاوی لەگەڵ پێشمەرگەکانی بارەگای بارزانی لە ڕێزان پەیداکردبوو و لەگەڵ لوقمان بارزانی کوڕی مستەفا بارزانی بووە.

جەعفەر سلێمان عەلی چێی ساڵی ١٩٤٥ لە گوندی چێی لە قەزاى ئامێدی سەر بە پارێزگاى دهۆک لەدایک بووە، ساڵى ١٩٧٥ دوای نسکۆی شۆڕشی ئەیلوول ئاوارەى وڵاتى ئێران بووە و لە نەغەدە نیشتەجێبووە، دواتر گواستراوەتەوە بۆ مەشهەد، تا ساڵی ١٩٧٩ لەمەشهەد ماوەتەوە، هەمان ساڵ گەڕاوەتەوە بۆ کەرەج و چاوی بە ئیدریس بارزانی کەوتووە و تاساڵى ١٩٨١ لەئێران ماوەتەوە، ساڵی ١٩٨١ گەڕاوەتەوە بۆ باشوورى کوردستان و لە شارى دهۆک نیشتەجێبووە.