ئه‌و داستانه له ٣١ی ئایاری ١٩٨٢ له ده‌ڤه‌ری شاره‌زوور ڕوویدا به هاوبه‌شی هێزی پێشمه‌رگه‌ی حزبه كوردستانیه‌كانی ناو به‌ره‌ی جود، وه‌ك پارتی و سۆسیالیست و حزبی شیوعی، له‌و داستانه‌دا به ده‌یان سه‌رباز و جاش كوژران، له‌گه‌ڵ شه‌هید بوونی چوار پێشمه‌رگه، پاشان هێزه‌كه‌ی حكومه‌ت گه‌ڕانه‌وه سه‌ربازگه‌ی سه‌ید سادق.
زانیاری زیاتر
ئه‌و شه‌ڕه بریتی بوو له چاڵاكیه‌كی پارتیزانی هێزی پێشمه‌رگه‌ی كوردستان له ناوچه‌ی قه‌لا سه‌لمانیێی ده‌ڤه‌ری سندی له بادینان له ١٨ی ئابی ١٩٧٦، كه هێزیكی سه‌ربازی سوپای عێراق كه‌وته كه‌مینی پێشمه‌رگه‌وه، له ئه‌نجامدا هێزی پێشمه‌رگه توانی زیانێگی گه‌وره به‌و هێزه‌ی سوپای عێراق بگه‌یه‌نێ كه خۆی له ده‌یان كوژراو و برینداردا بینیه‌وه و له ناویاندا ئه‌فسه‌‌رو پله‌دار هه‌بوو.
زانیاری زیاتر
له ١٦ی ئابی ١٩٨٣ له یادی دامه‌زراندنی پارتی دیموكراتی كوردستان، هێزی پێشمه‌رگه‌ی كوردستان نه‌خشه‌یه‌كی داڕشت كه چالاكیه‌ك ئه‌نجام بدات، ئه‌ویش وه‌شاندنی گورزێك بوو له ده‌زگا و دامه‌زراوه سه‌ربازیه‌كانی به‌عس، ئه‌و چاڵاكیه‌ی پێشمه‌رگه هێرش كردن بوو بۆ سه‌ر ڕه‌بایه‌كانی سوپای عێراق له‌سه‌ر رێگای سەید سادق – شانده‌ری، له ئه‌نجامدا زیانێكی زۆری به هێزه سه‌ربازیه‌كانی عێراق گه‌یاند
زانیاری زیاتر
ئه‌و داستانه له ١٠ی كانوونی یه‌كه‌می ١٩٨٢ له سیانی گارە له قوڵایی ٧٠ كم له ناو ده‌سه‌ڵاتی حكومه‌تی به‌عس ڕووویدا، كاتێك كه پێشمه‌رگه هێرشی كرده سه‌ر بنكه و باره‌گاكانی هێزی مغاویر و چه‌كدارانی به‌كرێگیراو(جاش)، له ماوه‌ی سێ ڕۆژ و شه‌وی شه‌ڕه‌كه‌دا زیانێكی گه‌وره به‌ر هێزه‌كانی حكومه‌ت كه‌وت، له ڕووی ناوچه‌ییشه‌وه ده‌نگدانه‌ویه‌كی گه‌وره‌ی هه‌بوو.
زانیاری زیاتر
ئه‌و شەڕو چالاكیانه‌ی پێشمه‌رگه ده‌گه‌ڕێنه‌وه بۆ سه‌ره‌تای ساڵی ١٩٨٢، له ناوچه‌ی بیارە و شرام، كه هێزی پێشمه‌رگه هێرشێكی به‌ربڵاویان كرده سه‌ر بنكه و مۆڵگه‌كانی سوپا و هێزه‌كانی حكومه‌ت، له ئه‌نجامدا هێزی پێشمه‌رگه توانی ده‌ست به‌سه‌ر ناوچه‌كه‌دا بگرێت و زیانی گه‌وره‌ی گیانی و ماددیان پێ بگه‌یه‌نێ.
زانیاری زیاتر
ئه‌و شه‌ڕه بریتی بوو له چالاكیه‌كی پێشمه‌رگه‌یی سه‌رده‌می شۆڕشی گوڵان له ناوچه‌ی قه‌سرۆكی سه‌ربه قه‌زای شێخانی ده‌ڤه‌ری بادینا ساڵی ١٩٧٨، دوای ئه‌وه‌ی هێزێكی پێشمه‌رگه توانیان خۆیان بگه‌یه‌ننه بنكه‌یه‌كی چه‌كدارانی ڕژێمی به‌عس و هه‌ڵیان كوتایه سه‌ر بنكه‌كه ژماره‌یه‌كی زۆری چه‌كداره‌كانیان كوشت و بریندار كرد و زیانی زۆریان به شوێنه‌كه گه‌یاند.
زانیاری زیاتر
ئه‌و شەڕه له ئابی ١٩٨٤ ڕوویدا كاتێ كه سوپای عێراق به هاوبه‌شی له‌گه‌ڵ چه‌كدارانی به‌كرێگیراو هێرشیان كرده سه‌ر ده‌ڤه‌ری مانگێش بۆ كپكردنی ده‌نگی شۆڕش له ده‌ڤه‌ره‌كه، به‌ڵام هێزی پێشمه‌رگه به‌ره‌نگاریان بوونه‌وه و زیانێكی گه‌وره‌یان پێ گه‌یاندن، زیانی سوپا بریتی بوو له كوژران و برینداربوونی ژماره‌یه‌ك چه‌كدار.
زانیاری زیاتر
ئه‌و شەڕه له‌سه‌ر ڕێگای سه‌ید سادق – پێنجوێن ڕوویدا، له ٢٠ی تشرینی یه‌كه‌می ١٩٨٠، كاتێ كه هێزێكی پێشمه‌رگه به‌ره‌نگاری هێزێكی سوپای عێراق بوونه‌وه و شەڕ له نێوانیاندا دروست بوو، له كۆتاییدا پێشمه‌رگه سه‌ركه‌وتنی به‌رچاوی به‌سه‌ر سوپای عێراقدا تۆمار كرد و زیانیكی زۆری پێ گه‌یاندن له كوژراو و بریندار.
زانیاری زیاتر
ئه‌و شەڕه بریتی بوو له چالاكیه‌كی پارتیزانی هێزی پێشمه‌رگه، سه‌ر له ئێواره‌ی ٢٩ی ئاداری ١٩٨٣ له ناوچه‌ی شه‌رمن و باكرمان ڕوویدا، كه پێشمه‌رگه په‌لاماری چه‌ند پێگه‌یه‌كی چه‌كدارانی به‌كرێگراو(جاش)یاندا و توایان له ماوه‌ی شەڕێكی دوو كاتژمێریدا زیانێكی گه‌وره‌یان پێ بگه‌یه‌نن.
زانیاری زیاتر
ساڵی ١٩٨١ له گوندی بانیبنۆك له چیای سورێن و ناوچه‌ی زه‌لم و كه‌رچاڵ، هێزی پێشمه‌رگه به‌ره‌نگاری سوپای عێراق بۆوه، له ئه‌نجامدا دوو شەڕی گه‌وره له نێوانیاندا ڕوویاندا، له‌و هه‌ردوو شه‌ڕه‌دا زیانێكی زۆر به‌ر هێزه‌كانی حكومه‌تی عێراق كه‌وت له كوژراو و بریندار له‌گه‌ڵ ده‌ستكه‌وتنی بڕێكی زۆری چه‌ك و تفاقی سه‌ربازی بۆ هێزی پێشمه‌رگه.
زانیاری زیاتر
ئەو داستانه لە ١٥ى تشرینى دووەمى ١٩٨٠ لە ناوچەى حاجی ئۆمەران ڕوویدا، کاتێک کە شەڕى نێوان عێراق و ئێران ڕوویدا سەرکردایەتى شۆڕش ویستى دەرفەتى ئەوە بقۆزێتەوە ئەگەر دۆخى سوپاى عێراق لە سنوورى حاجی ئۆمەران شلۆق بووبێ چالاکییەکانى شۆڕش بگوازێتەوە ئەوێ و دەستى بەسەردا بگرێت، بەڵام دۆخى سوپاى عێراق بەو جۆرە نەبوو وەک لە زانیارییەکاندا بەدەستى پێشمەرگە گەیشتبوون بەڵکو جیاواز بوو لە ڕووی بەهێزیەوە، وێڕای ئەمەش کەشوهەواى ناوچەکەش هاندەر نەبوو کە پێشمەرگە بتوانێ ئامانج بپێکێ.
زانیاری زیاتر
ئەو شەڕە لە حوزەیرانى ١٩٧٤ لە نزیک گوندى فەرەجاوە ڕوویدا، کاتێک کە سوپاى عێراق هێرشى کردە سەر دەڤەرى گەرمیان و ویستى دەست بەسەر ئەو ناوچەیەدا بگرێت و بیگەڕێنێتەوە ژێر ڕکێفى حکومەت، هێزى پێشمەرگە ڕێى لێ گرت و بەرەنگارى بووە، لەو شەڕەدا هێزی پێشمەرگە توانى زیانى گیانى زۆر بە سوپاى عێراق بگەیەنێ و بۆ ماوەیەک پێشڕەوییەکانى بوەستێنێ.
زانیاری زیاتر
