شەڕی دۆڵی بالیسان بریتى بوو لە هێرشێکى بەربڵاوى سوپا و چەکدارانى ڕژێمى بەعس بۆ سەر هێزى پێشمەرگە لە ٢٦ى شوباتى ١٩٨٨، لە میحوەرى بێتواتە و خەلیفانەوە سوپاى عێراق هێرشێکى فراوانى کردە سەر دۆڵی بالیسان کە لە ژێر دەسەلاتى پێشمەرگەدا بوو، بە پشتیوانى تانک و تۆپ و دەبابە و فڕۆکەى جەنگى، هێزى پێشمەرگە بە ئامادەکاری و نەخشەى سەربازى توکمەوە ڕوووبەڕووی هێزەكانی عێراق بۆوە و بەرسینگیان گرتن، لە ئەنجامدا لە ئێوارەى هەمان ڕۆژ لەو بەریەدا هێزەکانى حکومەت شکستیان خوارد و هێرشەکەیان تێکشکێندرا.

ئەو شەڕە بریتى بوو لە داستانێکى گەورەى هێزى پێشمەرگە لە سنوورى چالاکیەکانى هەردوو لقى سێ و چوارى پارتى دیموکراتى کوردستان، کاتێک کە هێرشیان کردە سەر فەوجێکى هێزەکانى سوپاى عێراق لە نزیگ گوندى باسەرەى بنارى چیاى کۆسرەت لە شەوى ٢٧/٢٨ى تەمموزى ١٩٨٧، لەو داستانەدا هێزى پێشمەرگە توانی زیانێکى گەورە بە هێزەکانى حکومەتى عێراق بگەیەنێ لە کوژراو و بریندار و بەدیل گرتنى ژمارەیەکى زۆری سەرباز.

ئەو داستانە لە ٥ى ئایارى ١٩٨٧ لە دێرەلوکى سەربە قەزاى ئامێدى ڕوویدا، هێزى پێشمەرگە هێرشیان کردە سەر بارەگاى فەوجی خەفیفەى (١١١)، دواى شەڕێکى سەخت توانیان دەست بەسەر فەوجەکە و (٨١) سەنگەرى دەورووبەریدا بگرن، هەروەها زیانى زۆری گیانى و ماددى بە هێزەکانى حکومەت بگەیەنن لە کوژراو و بریندار و بە دیل گیرانى سەرباز و چەکدارانى بەکرێگیراو.

شەڕی گەلى ڕەشاڤا لە ١١ى کانوونى دووەمى ١٩٨٧ ڕوویدا، کاتێ کە هێزى پێشمەرگە لە ڕێگا سەرەکیەکانى نێوان ئامێدى و دێرەلووک هێرشیان کردە سەر قافلەى ئوتۆمێلە سەربازیەکانى سوپاى عێراق و بارەگاى فەوجى دێرەلووک و بارەگاى بەعس و بنکەى ئەمنى شارۆچکە، بە ئامانجى کەمکردنەوەى گوشارى هێزەکان عێراق لەو هێرشەى کە لەو ماویەدا کردبوویە سەر ئەترۆش و قەڵاى کانیکا.

ئەو شەڕە لە تشرینى دووەمى ١٩٨٦ ڕوویدا لە ناوچەى زاخۆى دەڤەرى بادینان، کاتێک کە سوپا و چەکدارانى حکومەتى عێراق بە پاڵپشتى تۆپخانە و فڕۆکەى جەنگى هێرشیان کردە سەر بارەگا و سەنگەرەکانى پێشمەرگەى لێژنەى ناوچەى زاخۆ، بە ئامانجى کپ کردنى دەنگى شۆڕش لەو ناوچانەدا، دواى شەڕێکى چەند ڕۆژە و گوشار خستنە سەر سەنگەرەکان، هێزى پێشمەرگە توانی شکست بە پێشڕەویەکانى چەکدارانى بەکرێگیراو بهێنن و لە ناوچەکە دووریان بخەنەوە.

ئەو داستانە لە ناوچەى ئەحمەد ئاوا ڕوویدا لە ١ى تەمموزى ١٩٨٧، کاتێک کە هێزى پێشمەرگە لە چالاکییەکى پارتیزانیدا هێرشیان کردە سەر چەند مۆڵگەیەکى سوپای عێراق و چەکدارانى بەکرێگیراو له‌گه‌ڵ مۆڵگه‌یه‌كی سوپای میللی (جەیشى شەعبى)، توانیان دەست بەسەر بنکە و بارەگاکانیاندا بگرن و زیانى گەورەیان پێ بگەیەنن لە کوژران و بریندار و بە دیل گرتنى ژمارەکى زۆر، دواى مانەوەى دوو ڕۆژ لە شوێنەکە هێزى پێشمەرگە بڕیارى کشانەوەیان دا و شوێنەکەیان بەجێ هێشت.

ئه‌و شه‌ڕە‌ بریتی بوو له‌ چالاكییه‌كی پارتیزانی هێزی پێشمه‌رگه‌ له‌ ٦ی كانوونی یه‌كه‌می ١٩٨٦ له‌سەر ڕێگای نێوان سوارەتوکا و زاویته‌،‌ هێزێكی پێشمه‌رگه‌ى لێژنەى ناوچەى ئامێدى بۆسه‌یه‌كیان له‌سه‌ر ڕێگاكه‌ دانایه‌وە،‌ كاتژمێر ٧ى به‌یانی ئۆتۆمبێلێكی سه‌ربازی جۆری ئیڤا پڕ له‌ سه‌رباز كرایه‌ ئامانج، له‌ ئه‌نجامدا ئۆتۆمبێله‌كه‌ تێكشكێندرا و ته‌واوی سه‌ربازانی ناوی كوژران جگه‌ له‌ یه‌ك سه‌رباز نه‌بێ ئه‌ویش به‌ دیلى كه‌وته‌ دە‌ستی پێشمه‌رگه‌.

شەڕى ئامێدى بریتى بوو لە زنجیرەیەک چالاکى هێزى پێشمەرگەى سەربە لێژنەى ناوچەى ئامێدى پارتى دیموکراتى کوردستان لە دەڤەرى بادینان لە ٨ى تشرینى دووەمى ١٩٨٥، کە ژمارەیەکە پێگە و بنکەى چەکدارانى بەکرێگراوى حکومەتى بەعسیان کردە ئامانج، توانیان لە ماوەیەکى کەم دەست بەسەر ٦ پێگەى چەکداراندا بگرن و زیانى زۆریان پێ بگەیەنن.

شه‌ڕی كانیه‌لنجا له‌ ٢١ی تشرینی دووه‌می ١٩٨٣ ڕوویدا، كاتێ كه هێزی پێشمه‌رگه‌ی بارزان هێرشیان كرده‌ سه‌ر بنكه‌ و سه‌ربازگه‌كانی سوپای عێراق له‌ نزیك گوندی كانیه‌لنجای ده‌ڤه‌ری بارزان، توانیان به‌ ماوه‌یه‌كی كه‌م ده‌ستی به‌سه‌ردا بگرن و زیانی زۆریان پێ بگه‌یه‌نن.‌ ‌

ئه‌و شه‌ڕه‌ له‌ سالی ١٩٨٣ ڕوویدا، دوای ئه‌وه‌ی كه‌وا هێزی پێشمه‌رگه‌ی كوردستان پلانی داڕشت كه چالاكییه‌ پارتیزانییه‌كانی بگوازێته‌وه‌ ناو شاره‌كان و له‌وێوه‌ گورز له‌ داموده‌زگاكانی حكومه‌ت بدات، تاكو به‌م شێوازەی پارتیزانییه‌ به‌ گوێی حكومه‌تدا بچرپێنێ كه‌ شۆڕشی كورد له‌ توانایدا هه‌یه‌ له‌ هه‌ر شوێن و هه‌ركاتێكدا مه‌ستی بێ ده‌توانێ گورز له‌ دامودزگاكان بوه‌شێنێ و زیانی گیانی و ماددیان پێ بگه‌یه‌نێ.

ئه‌یلوولی ١٩٨٧ له‌ ناوچه‌ی کانی ماسێ ده‌ڤه‌ری بادینان شه‌ڕێكی گه‌وره‌ له‌ نێوان هیزی پێشمه‌رگه‌ و سوپای عێراق ڕوویدا، به‌ داستانی کانی ماسێ ناسرا، هێزی پێشمه‌رگه‌ هێرشی كرده‌ سه‌ر ژماره‌یه‌ك بنكه ‌و باره‌گای سه‌ربازی سوپای عێراق، دوای شه‌ڕێكی گه‌رم و خوێناوی پێشمه‌رگه‌ توانی ده‌ست به‌سه‌ر ته‌واوی خاڵه‌ سه‌ربازییه‌كاندا بگرێت و زیانێكی گه‌وره‌ به‌ هێزه‌ سه‌ربازییه‌كانی سوپای عێراق بگه‌یه‌نێ له‌ كوژراو و بریندار و به‌دیل گرتن.

له‌ ٥ی كانوونی دووه‌می ١٩٨٧ سوپای عێراق و هێزه‌ چه‌كداره‌كانی به‌كرێگیراو (جاش) به‌ پاڵپشتی تانك و زریپۆش و تۆپ و فڕۆكه‌ی جه‌نگی، هێرشێكی به‌ربڵاویان بۆ سه‌ر هێزی پێشمه‌رگه‌ ئه‌نجام دا له‌ ناوچه‌ی ئەترۆش و شێخان و ده‌وروبه‌ری، شه‌ڕه‌كه‌ بۆ ماوه‌ی ١٣ تا ١٥ ڕۆژ درێژه‌ی هه‌بوو، هه‌رچه‌نده‌ هێزه‌كانی حكومه‌ت توانیان ده‌ست به‌سه‌ر هه‌ندێك شوێندا بگرن، به‌ڵام له‌ دوایدا هێزی پێشمه‌رگه‌ به‌ پشتیوانی هێزی به‌رگری میللی دانیشتووی ناوچه‌كه توانیان‌ به‌ره‌نگاریان ببنه‌وه‌ و تێكیان بشكێنن.