یوسف محه‌ممه‌د عه‌لی سه‌رانه‌یی ناسراوه‌ به‌ (زانا)، ساڵی ١٩٧٤ لە گوندى سەرانى دۆڵی ئاکۆیانى قەزاى ڕواندزی پارێزگاى هەولێر لە دایکبووە، ساڵى ١٩٩١ پەیوەندى بە ڕیزەکانى پارتی دیموکراتى کوردستان کردووە، لە ٧ی شوباتى ١٩٩٥ لە شەڕى ناوەخۆ شەهید بووە.

یوسف عه‌بدولڕە‌حمان عیسا (١٨٨٦-١٩٦٦)، ناسراو به‌ یوسف سه‌فتی، پێشمەرگە و هەڤاڵى بارزانى بۆ یەکێتى سۆڤیەت، بەشداری شۆڕشی یەکەمی بارزان (١٩٣١-١٩٣٢) و شۆڕشی دووەمی بارزان (١٩٤٣-١٩٤٥) کردووە و یەکێک بووە لە پێشمەرگەی سوپای کۆماری دیموکراتی کوردستان لە مەهاباد (١٩٤٦).

یاسین سەعید عەبدولڕەحمان سەعید، ساڵی ١٩٥٠ لە پارێزگاى سلێمانى لە دایکبووە، ساڵی ١٩٦٩ پەیوەندی بە هێزى پێشمەرگەى شۆڕشی ئەیلوول کردووە، لە ١١ی ئەیلوولی ١٩٦٩ شەهید بووە.

یوسف حەمەد رەزاق، سالی ١٩٦١ پەیوەندی بە پارتی دیموکراتی کوردستانەوە دەکات و بۆتە پێشمەرگە، لە ساڵی ١٩٦٥ لە نزیک گوندی سیتکان لەکاتی شەڕ لە دژی بەکرێگیراوانی رژێمی عێراق بریندار دەستگیر دەکرێت، دواتر دەبردرێت بۆ لیوای سەربازی سوپای عێراق کە لە باڵەکیان بووە و لەوێ گوولەباران دەکرێت و شەهید دەبێت.

یاسین جەوهەر ماماڵ، ناسراو بە (یاسین بێرۆخی)، ساڵی ١٩٢٥ لە پاریزگای هەکاری لەدایک بووە، ساڵى ١٩٤٦ لە کۆماری دیموکراتی کوردستان پەیوەندى بە هێزى بارزانەوە کردووە، ساڵی ١٩٦١ بووتە پێشمەرگەى شۆڕشى ئەیلوول، لە ١٦ی ئابی ١٩٩٦ لە یۆبیلی زێڕینی پارتی دیموکراتی کوردستان، مەدالیای بارزانی پێ بەخشراوە.

یونس عەبدولعەزیز پێشمەرگەی شۆڕشی گوڵان بووە، لە ساڵی ١٩٨٦ لە دەڤەری زورگەزراوی شەهید دەبێت.

شەهید یەحیا عەبدوڵا تەها پێشمەرگەی شۆڕشی ئەیلوول بووە، لە ساڵی ١٩٧٤ شەهید دەبێت.

یاسین محەمەد پێشمەرگەی شۆڕشی گوڵان بووە، لە ساڵی ١٩٨٧ لە گوندی بانی شاری شەهید بووە.

یونس عەلی لەتیف‌ئەڵا، پێشمەرگەی هەردوو شۆڕشی ئەیلوول و شۆڕشی گوڵان بووە، دوای نسکۆی شۆڕشی ئه‌یلوول ئاوارەی وڵاتی ئێران بووە، لە شۆڕشی ئەیلوول پلەی سەرلق و لە شۆڕشی گوڵان پلەی فەرماندەی مەفرەزەی وەرگرتووە، ساڵی ١٩٨١ لە گوندی خێڵی حەمەی دەشتی شارەزوور لەلایەن سەرباز و جاشی ڕژێمی بەعسەوە دەستگیر کراووه‌ و بێ سەروو شوێن كراوه‌، یەکێکە لەو شەهیدانەی کە گۆریان نادیارە.

یونس سابر رەسوڵ حەمەدئەمین، پێشمەرگەی ڕاپەڕین بووە، لە ساڵی ١٩٩١ شەهید بووە.

یەحیا عەزیز ساڵح عەبدوڵا، کادیری یەکێتی قوتابیانی کوردستان بووە، پێشمەرگەی ڕاپەڕین بووە، لە ساڵی ١٩٩١ شەهید بووە.

یاسین حەمەدئەمین حەسەن عەوڵا، ئەندامی یەکێتی قوتابیانی کوردستان بووە، پێشمەرگەی شۆڕشی ئەیلوول بووە، لە ساڵی ١٩٧٤ لە گەرووی عومەر ئاغا لە ڕووبەڕووبوونەوەی سەربازی ڕژێمی بەعس فیشەکی بەرکەوتووە و شەهید بووە.