لە ٢٣ى ئایارى ١٩٧١ لە شارى قەڵادزێی پارێزگاى سلێمانى لەدایک بووە، لە ٢٤ى نیسانى ١٩٧٤ بەهۆى بۆردومانى فڕۆکەکانى سوپاى عێراق بۆ سەر شارى قەڵادزێ شەهید بووە. له‌ گۆڕستانی ده‌روازه‌ی شاری قه‌ڵادزێ به‌خاك سپێردراوه‌.

وسو حەمەد لاو، پێشمەرگەی شۆڕشی ئەیلوول بووە، لە ساڵی ١٩٧٤ لە شەڕى چیاى گۆرەز شەهید دەبێت.

وەسمان باس حسێن، پێشمەرگەی شۆڕشى ئەیلوول، ساڵی ١٩٦٤ لە شەڕی گەرووى عومەرائاغا شەهید دەبێت.

وەهاب عەلی ڕەحمان جوامێر، پێشمەرگەی شۆڕشی گوڵان و ڕاپەڕینە جەماوەریەکەی خەڵکی کوردستان بووە، لە ته‌مه‌نی پێشمەرگایەتی دووجار بریندار بووە و پلەی فەرماندەی کەرتی وەرگرتووە، ساڵی ١٩٩١ لە ئازادکردنی شاری کەرکوک و لەناو سەربازگەی خالید گوله‌ی بەرکەتووە و شەهید بووە، جەستەی بەجێ ماوە و یەکێکە لەو شەهیدانەی کە گۆڕی نادیارە.

والی حەمەسەعید، ئەندامی ڕێکخستنەکانی پارتی دیموکراتی کوردستان بووە، پێشمەرگەی شۆڕشی گوڵان بووە، ساڵی ١٩٨٧ شەهید بووە.

والی ئەحمەد محەمەد، پێشمەرگەی شۆڕشی گوڵان بووە، ساڵی ١٩٨٣ لەناحیەی خورماڵ شەهید بووە.

وشیار کەمال ڕەسول محەمەد ناسراو بە (ملازم)، لە ساڵى ١٩٦٢ لە گوندی چنێرانى سەر بە شارەدێى هیران لە دایک بووە، لە پێشمەرگایەتیدا بەرپرسى مەفرەزە بووە و یەک جار برینداربووە، لە ساڵی ١٩٨٧ لە نێوان هەردوو گوندى ئاقوبان، پونگینە شەهید دەبێت.

وریا محه‌مه‌د ڕه‌ئوف، ناسراو به‌ وریا ساعاتی، ساڵی ١٩٧٦ له‌ كۆنفرانسی برلین بووەته‌ ئه‌ندامی سه‌ركردایه‌تی كاتیی پارتی دیموكراتی كوردستان، ساڵی ١٩٧٧ له‌ به‌شدارانی كۆبوونه‌وه‌ی فراوانی بێداوی سه‌ركردایه‌تی كاتی بووە‌...