ناسح فەتاح حەمەسەعید، ساڵی ١٩٦٦ لە پارێزگاى سلێمانى لە دایکبووە، ساڵی ١٩٨٢ پەیوەندی بە هێزى پێشمەرگەى شۆڕشی گوڵان کردووە، ساڵی ١٩٩١ بەشداری ڕاپەڕینە جەماوەرییەکەی خەڵکی کوردستان و ئازادکردنی شاری سلێمانی، قەزای دووکان، ناحیەی بازیان، قەزای چەمچەماڵ، شاری کەرکووک کردووە. ساڵی ١٩٩١ دوای پاشەکشەی هێزی پێشمەرگە لە شاری کەرکووک شەهید بووە و گۆڕى نادیارە.

نوری ئەحمەد حەمەلاو، ساڵی ١٩٥٢ لە پارێزگاى سلێمانى لە دایکبووە، ساڵی ١٩٦٧ پەیوەندی بە هێزى پێشمەرگەى شۆڕشی ئەیلوولەوە کردووە، ساڵی ١٩٦٩ پلەی سەرپەلی وەرگرتووە. سالی ١٩٧٤ لە شەڕى چیاى زۆزک لە ناحیەى دیانا شەهید بووە.

نەجم ڕەسوڵ ئەحمەد، لە ساڵی ١٩٧٣ لە پارێزگای سلێمانی لە دایکبووە، ساڵى ١٩٩١ پەیوەندى بە پارتى دیموکراتى کوردستان کردووە و بەشدارى ڕاپەڕینە جەماوەرییەکەی خەڵکی کوردستانی کردووە، لە ٢٠ی ئاداری ١٩٩١ و لە ئازادکردنی شاری کەرکووک شەهید بووە.

نەبی عەوڵا کامیل، ساڵی ١٩٣٠ لە گوندی کۆیلە لەدایک بووە، ساڵى ١٩٦٩ پەیوەندى بەهێزى پێشمەرگەى شۆڕشی ئەیلوول کردووە و لە هێزى باڵەک بۆتە پێشمەرگە. ساڵی ١٩٧٥ شەهید بووە.

نەجات عەبدوڵا، ساڵی ١٩٥١ لە گوندی ڕوست لەدایک بووە، ساڵى ١٩٦٩ پەیوەندى بەهێزى پێشمەرگەى شۆڕشی ئەیلوول دەکات و لەبەشى تۆپخانەى هێزى باڵەک بۆتە پێشمەرگە، ساڵی ١٩٧٤ شىەهید بووە.

نەجات جەلیل مەحمود، ساڵی ١٩٩١ پەیوەندی بە ڕێکخستنەکانى پارتی دیموکراتی کوردستان کردووە، لە ڕۆژی ٢٧ی تشرینی دووەمی ساڵی ١٩٩٧ بەدەستی چەکدارانی پەکەکە شەهید بووە.

نەغەدە ڕەسوڵ ئەحمەد لە ٤ى نیسانى ١٩٦٢ لە شارى قەڵادزێی پارێزگاى سلێمانى لەدایک بووە، لە ٢٤ى نیسانى ١٩٧٤ بەهۆى بۆردومانى فڕۆکەکانى سوپاى عێراق بۆ سەر شارى قەڵادزێ شەهید بووە. له‌ گۆڕستانی ده‌روازه‌ی شاری قه‌ڵادزێ به‌خاك سپێردراوه‌.

شەهید نەعمان حەمە ئەحمەد، کادر و پێشمەرگەی شۆڕشی گوڵان بووە، لە ژیانی پێشمەرگایەتی یەکجار بریندار بووە و بەرکەوتەی چەکی کیمیایی بووە، ساڵی ١٩٨٨ کەوتۆتە بۆسەی سەربازی هەواڵگری ڕژێمی بەعس لە ساتی دەستگیر کردنیەوە تا ئێستا بێ سەروشوێنە، یەکێکە لەو شەهیدانەی کە گۆڕی نادیارە.

نەجات خالید ئەسعەد عەزیز، کادری لێژنه‌ ناوچەی شه‌قڵاوه‌ی پارتی دیموکراتی کوردستان بووە، له‌ نێو ڕێكخستنه‌ نهێنیه‌كانی سنووری لێژنه‌ ناوچه‌ی شه‌قڵاوه‌ ڕۆڵێكی سه‌ره‌كی هه‌بووه‌، ساڵی ١٩٨٨ له‌كاتی ئه‌ركدا له‌ گوندی ئەسپیندارە له‌گه‌ڵ هەشت کادری تر دەکەونە بۆسەی سەربازانی ڕژێمی بەعس، دوایی دوومانگ لە ئەمنی هەولێر لە سێدارە ده‌درێن و شه‌هید ده‌كرێن.

نەزمی سوار ئیسماعیل حەسەن پێشمەرگەی شۆڕشی گوڵان بووە، لە ساڵی ١٩٨٥ شەهید بووە.

نوری ئەنوەر عەبدولغەفور ئیبراهیم، ساڵى ١٩٥٠ لە گوندى پڵنگەى سەر بە شەقڵاوە لە دایکبووە، بەشداریى شۆڕشی ئەیلوولى کردووە، لە پێشمەرگایەتیدا پلەى سەرلق بووە و بڕیار بووە ببێ بە فەرماندەى بەتالیۆن، ساڵى ١٩٧٤ لە رێگای نێوان قەسرێ-خانەقا کەوتووەتە بەر بۆمبارانی فڕۆکەی دوژمن و شەهید دەبێت.