چالاکی هێزى پێشمەرگەى سنوورى لقی (١)ى دەڤەرى بادینان بوو لە ساڵى ١٩٨٧، کە هەستان بە هێرش کردن بۆ سەر یەکێک لە ڕەبایەکانى سەربازى سوپاى عێراق لە نزیک شارۆچکەى شێلادزێ لە سەر ئاڤا زێ، بە ماوەیەکى کەم دەستیان بەسەر ڕەبایەکەدا گرت و تەواوى سەربازانى کە لەو سەنگەرە لە ئەرکدا بوون کوژران، پێشمەرگەکانیش بە بێ زیان شوێنەکەیان بەجێ هێشت.
زانیاری زیاتر
لە ڕێکەوتی ٢٥ی ئایاری ١٩٨١ شەڕی خێزاڤا لە نێوان هێزی پێشمەرگە و سوپاى ڕژێمی عێراقدا ڕوویدا. کاتێک کە هێزێکى پێشمەرگەى سەربە لیژنەى ناوچەى زاخۆ لە گەڕانێکدا(جولە) بوون لە گوندەکانى ناوچەى باتیفاى دەڤەرى بادینان بۆ جێبەجێ کردنى ئەرکى پێشمەرگایەتى، لە گوندى خێزاڤا ڕووبەڕووى هێزێکى سەربازیی سوپای رژێمى بەعس بوونەوە، دواى شەڕێکى سەخت هێزێکى دیکەى سەربە لیواى باتیفا و دەشتى چیێی سوپای عێراق بەرەو شوێنى ڕوداوەکە بۆ پشتیوانى و هاوکاریى ئەو هێزەى کە لەگەڵ پێشمەرگە لەشەردا بوون، هاتن.
زانیاری زیاتر
شەڕى زەمبیل فرۆش یەکێکیترە لە ڕووبەڕووبوونەوەکانی هێزی پێشمەرگەی کوردستان لەگەڵ سوپای ڕژێمی بەعس. لە ٢٢ی ئازاری ١٩٨٠ لە دەڤەری باتۆفا، هێزێکی پێشـمەرگە لەسەر ڕێگایەکی سەرەکی بۆسەیەکیان بۆ هێزێکی سەربازیی سوپای عێراق دانایەوە، لە ئاکامدا هێزەکەی سوپا کەوتنە نێو بۆسەکەوە و زیانێکی زۆریان بەرکەوت. لەم کاتەدا هێزێکیتری سەربە لیواى باتوفای سوپای عێراق بۆ پشتیوانی و هاوکاریی هێزە تێکشکاوەکەیان گەیشتنە شوێنی ڕووداوەکە، بە گەیشتنیان شەڕ و پێکدادانێکی سەخت لە نێوان هێزەکەی پێشمەرگە و سەربازانی سوپادا ...
زانیاری زیاتر
شەڕی دۆڵی بالیسان بریتى بوو لە هێرشێکى بەربڵاوى سوپا و چەکدارانى ڕژێمى بەعس بۆ سەر هێزى پێشمەرگە لە ٢٦ى شوباتى ١٩٨٨، لە میحوەرى بێتواتە و خەلیفانەوە سوپاى عێراق هێرشێکى فراوانى کردە سەر دۆڵی بالیسان کە لە ژێر دەسەلاتى پێشمەرگەدا بوو، بە پشتیوانى تانک و تۆپ و دەبابە و فڕۆکەى جەنگى، هێزى پێشمەرگە بە ئامادەکاری و نەخشەى سەربازى توکمەوە ڕوووبەڕووی هێزەكانی عێراق بۆوە و بەرسینگیان گرتن، لە ئەنجامدا لە ئێوارەى هەمان ڕۆژ لەو بەریەدا هێزەکانى حکومەت شکستیان خوارد و هێرشەکەیان تێکشکێندرا.
زانیاری زیاتر
شەڕی گەلى ڕەشاڤا لە ١١ى کانوونى دووەمى ١٩٨٧ ڕوویدا، کاتێ کە هێزى پێشمەرگە لە ڕێگا سەرەکیەکانى نێوان ئامێدى و دێرەلووک هێرشیان کردە سەر قافلەى ئوتۆمێلە سەربازیەکانى سوپاى عێراق و بارەگاى فەوجى دێرەلووک و بارەگاى بەعس و بنکەى ئەمنى شارۆچکە، بە ئامانجى کەمکردنەوەى گوشارى هێزەکان عێراق لەو هێرشەى کە لەو ماویەدا کردبوویە سەر ئەترۆش و قەڵاى کانیکا.
زانیاری زیاتر
ئه‌و شه‌ڕە بریتی بوو له چالاكییه‌كی پارتیزانی هێزی پێشمه‌رگه له ٦ی كانوونی یه‌كه‌می ١٩٨٦ له‌سەر ڕێگای نێوان سوارەتوکا و زاویته، هێزێكی پێشمه‌رگه‌ى لێژنەى ناوچەى ئامێدى بۆسه‌یه‌كیان له‌سه‌ر ڕێگاكه دانایه‌وە، كاتژمێر ٧ى به‌یانی ئۆتۆمبێلێكی سه‌ربازی جۆری ئیڤا پڕ له سه‌رباز كرایه ئامانج، له ئه‌نجامدا ئۆتۆمبێله‌كه تێكشكێندرا و ته‌واوی سه‌ربازانی ناوی كوژران جگه له یه‌ك سه‌رباز نه‌بێ ئه‌ویش به دیلى كه‌وته دە‌ستی پێشمه‌رگه.
زانیاری زیاتر
شەڕى ئامێدى بریتى بوو لە زنجیرەیەک چالاکى هێزى پێشمەرگەى سەربە لێژنەى ناوچەى ئامێدى پارتى دیموکراتى کوردستان لە دەڤەرى بادینان لە ٨ى تشرینى دووەمى ١٩٨٥، کە ژمارەیەکە پێگە و بنکەى چەکدارانى بەکرێگراوى حکومەتى بەعسیان کردە ئامانج، توانیان لە ماوەیەکى کەم دەست بەسەر ٦ پێگەى چەکداراندا بگرن و زیانى زۆریان پێ بگەیەنن.
زانیاری زیاتر
شه‌ڕی كانیه‌لنجا له ٢١ی تشرینی دووه‌می ١٩٨٣ ڕوویدا، كاتێ كه هێزی پێشمه‌رگه‌ی بارزان هێرشیان كرده سه‌ر بنكه و سه‌ربازگه‌كانی سوپای عێراق له نزیك گوندی كانیه‌لنجای ده‌ڤه‌ری بارزان، توانیان به ماوه‌یه‌كی كه‌م ده‌ستی به‌سه‌ردا بگرن و زیانی زۆریان پێ بگه‌یه‌نن.
زانیاری زیاتر
ئه‌و شه‌ڕه له سالی ١٩٨٣ ڕوویدا، دوای ئه‌وه‌ی كه‌وا هێزی پێشمه‌رگه‌ی كوردستان پلانی داڕشت كه چالاكییه پارتیزانییه‌كانی بگوازێته‌وه ناو شاره‌كان و له‌وێوه گورز له داموده‌زگاكانی حكومه‌ت بدات، تاكو به‌م شێوازەی پارتیزانییه به گوێی حكومه‌تدا بچرپێنێ كه شۆڕشی كورد له توانایدا هه‌یه له هه‌ر شوێن و هه‌ركاتێكدا مه‌ستی بێ ده‌توانێ گورز له دامودزگاكان بوه‌شێنێ و زیانی گیانی و ماددیان پێ بگه‌یه‌نێ.
زانیاری زیاتر
ئه‌و شه‌ڕه بریتی بوو له چاڵاكیه‌كی پارتیزانی هێزی پێشمه‌رگه‌ی كوردستان له ناوچه‌ی قه‌لا سه‌لمانیێی ده‌ڤه‌ری سندی له بادینان له ١٨ی ئابی ١٩٧٦، كه هێزیكی سه‌ربازی سوپای عێراق كه‌وته كه‌مینی پێشمه‌رگه‌وه، له ئه‌نجامدا هێزی پێشمه‌رگه توانی زیانێگی گه‌وره به‌و هێزه‌ی سوپای عێراق بگه‌یه‌نێ كه خۆی له ده‌یان كوژراو و برینداردا بینیه‌وه و له ناویاندا ئه‌فسه‌‌رو پله‌دار هه‌بوو.
زانیاری زیاتر
له ١٦ی ئابی ١٩٨٣ له یادی دامه‌زراندنی پارتی دیموكراتی كوردستان، هێزی پێشمه‌رگه‌ی كوردستان نه‌خشه‌یه‌كی داڕشت كه چالاكیه‌ك ئه‌نجام بدات، ئه‌ویش وه‌شاندنی گورزێك بوو له ده‌زگا و دامه‌زراوه سه‌ربازیه‌كانی به‌عس، ئه‌و چاڵاكیه‌ی پێشمه‌رگه هێرش كردن بوو بۆ سه‌ر ڕه‌بایه‌كانی سوپای عێراق له‌سه‌ر رێگای سەید سادق – شانده‌ری، له ئه‌نجامدا زیانێكی زۆری به هێزه سه‌ربازیه‌كانی عێراق گه‌یاند
زانیاری زیاتر
ئه‌و شەڕو چالاكیانه‌ی پێشمه‌رگه ده‌گه‌ڕێنه‌وه بۆ سه‌ره‌تای ساڵی ١٩٨٢، له ناوچه‌ی بیارە و شرام، كه هێزی پێشمه‌رگه هێرشێكی به‌ربڵاویان كرده سه‌ر بنكه و مۆڵگه‌كانی سوپا و هێزه‌كانی حكومه‌ت، له ئه‌نجامدا هێزی پێشمه‌رگه توانی ده‌ست به‌سه‌ر ناوچه‌كه‌دا بگرێت و زیانی گه‌وره‌ی گیانی و ماددیان پێ بگه‌یه‌نێ.
زانیاری زیاتر
