ساڵح ئەحمەد سابیر، لە ١ى تەمووزى ١٩٥٧ لە شارى قەڵادزێی پارێزگاى سلێمانى لەدایک بووە، قوتابى قۆناغى ئامادەیی بووە، لە ٢٤ی نیسانی ١٩٧٤ بەهۆى بۆردومانى فڕۆکەکانى سوپاى عێراق بۆ سەر شارى قەڵادزێ شەهید بووە. له‌ گۆڕستانی ده‌روازه‌ی شاری قه‌ڵادزێ به‌خاك سپێردراوه‌.

ساناو فەریدون کوڕی شەهید فەریدون جوانڕۆی سەرکردە و ئەندامی کومیتەی ناوەندی پارتی دیموکراتی کوردستانە

سەبریە ئەسعەد ڕسقۆ ئیسماعیل ناسراو بە سەبریە هەکاری، ساڵی ١٩٤٨ لە پارێزگای دهۆک لەدایک بووە، ساڵی ١٩٦١ بەهاندانی شەعبان بەرواری هاوسەری کە لەبەنداوی دەربەندیخان کاری کردووە و ئەندامی پارتی دیموکراتی کوردستان بووە، ناوبراو پەیوەندی بە پارتی کردووە، دوای هەڵگیرسانی شۆڕشی ئەیلوول، سەبریە هەکاری گەڕاوەتەوە بۆ دهۆک و لە ڕێکخراوێکی نهێنی سەربە لقی یەک کاری کردووە...

سەبری حەسەن سەبری لە ساڵی ١٩٩١پەیوەندی دەکات بەپارتی دیموکراتی کوردستان، لە ساڵی ١٩٩٧ لەشەڕی بەرگری لەسەروەری یاسا لە چیای دڕەبی بەگولەی چەکدارانی پەکەکە شەهید کراوە.

سالار عوسمان حسێن، ناسراو بە دکتۆر سالار، ساڵی ١٩٦٩ لە شاری هەولێر لەدایکبووە. خوێندنى سەرەتایی و ناوەندى لە شارى هەولێر تەواو کردووە، دکتۆراى لە ئەدەبى کوردى لەزانکۆى دهۆک بەدەست هێناوە. خاوەنى ١٢ پەرتووکە لە بوارەکانى : ئەدەب، زمان، ڕۆژنامەگەرى و سیاسەت

سلێمان ئیسماعیل جەهانگیر، ساڵی ١٩٢٧ لە گوندی بۆتیا لە پارێزگای دهۆک لەدایک بووە، ساڵی ١٩٥٩ پەیوەندی بەڕیزەکانی پارتی دیموکراتى کوردستان کردووە، ساڵی ١٩٦١ لە سنوورى لێژنە ناوچەى دهۆک لە لقی یەک (١) بۆتە کادیر، ساڵی ١٩٦٧ پلەی سەرقۆڵی پێشمەرگەکانی لێژنەی ناوچەی دهۆکی پێ سپێردراوە...

سه‌گڤان عوسمان هالۆ، ناسراو بە سەگڤان هالۆ، لە ١ى تەممووزی ١٩٦٨ لە گوندى بۆسەل سەر بەقەزاى زاخۆى پارێزگاى دهۆک لەدایک بووە، ساڵى ٢٠٠٨ بڕوانامەى بەکالۆریۆسى لە کۆلێژى یاسای زانکۆى سەڵاحەدین بەدەست هێناوە، ساڵى ٢٠١٦ بڕوانامەى ماستەرى لە یاسا لە کۆلێژى یاساى زانکۆى سەڵاحەدین بەدەست هێناوە.

سادق عەلی سادق ناسراوەبە کاروان پێشمەرگەی شۆڕشی گوڵان بووە، دەرچووی خولی هەشتەمی پێگەیاندنی کادرانی پارتی دیموکراتی کوردستان بووە، لە ساڵی ١٩٨٧ ناحیەی دارەتوو شەهید دەبێت.

سلێمان ئەحمەد ئیسماعیل عومەر، ناسراو بە سلێمان ئەحمەد دولەمەری، پێشمەرگەی شۆڕشى ئەیلوول و گوڵان و ڕاپەڕین بووە، ساڵى ١٩٦٧ لەتەمەنى ١٤ ساڵییەوە پەیوەندى بەهێزى پێشمەرگەى کوردستان کردووە، ڕۆژى ١٥ى کانوونى یەکەمى ساڵى ٢٠١٠ لە کۆنگرەى سێزدەیەم، بەهۆى خزمەت و چالاکییەکانى لەلایەن سەرۆک مەسعود بارزانى میدالیاى بارزانى پێبەخشراوە.

سەعید ئەحمەد حەسەن، سالی ١٩٧٠ پەیوەندی بە ڕیزەکانی پارتی دیموکراتی کوردستانەوە دەکات و بۆتە پێشمەرگە، لە ساڵی ١٩٧٤ لە گوندی درگەڵە بەهۆی تۆبپارانی رژێمی عێراق شەهید دەکرێت.

سلێمان عەبدوڵا مستەفا، سالی ١٩٦١ پەیوەندی بە ڕیزەکانی پارتی دیموکراتی کوردستانەوە دەکات و بۆتە پێشمەرگە، لە سالی ١٩٧٤ لە شەڕێکی سەختدا لە شارۆچکەی ڕواندز بەگولەی رژێمی بەعس شەهید دەکرێت.

سەلیم ساڵح پێشمەرگەی شۆڕشی گوڵان و بەشداربووی ڕاپەرینی ١٩٩١ بووە، ساڵی ١٩٩١ لەگوندی قەشقە شەهید دەبێت.