سابیر فەتاح ڕەحیم مەحمود لە ساڵی ١٩٤٤ لە گوندی لاوەرانی سەربە بە ناحیەی دەربەندیخان لە دایکبووە، پێشمەرگەی شۆڕشی ئەیلوول بووە، لە ساڵی ١٩٧٤ لە چیای زۆزک شەهید بووە.

سلێمان ئەسعەد قادر ئەمیر، لە ساڵی ١٩٥٩ پەیوەندیی بە شانە نهێنییەکانی پارتی دیموکراتی کوردستانەوە لە رێگەی ناوچەی شەقڵاوە كردووه‌، ساڵی ١٩٦١ بۆته‌ پێشمەرگەی شۆڕشی ئەیلوول، زیندانی سیاسی بووە، پلەی ئەندامی ناوچەی وەرگرتوە، لە پێشمەرگایەتیدا جێگری فەرماندی بەتالیۆن بووە، لە ساڵی ١٩٦٧ شەهید بووە.

شه‌هید سەباح ئەسعەد عومەر حەمەد، پێشمەرگەی شۆڕشی ئەیلوول بووە، ساڵی ١٩٧٣ له‌ هێزی ده‌شتی هه‌ولێر بۆته‌ پێشمه‌رگه‌، ساڵی ١٩٧٥ له‌سێداره‌ دراوه‌.

سدیق حسێن ناوخۆش، پێشمەرگەی شۆڕشی ئەیلوول بووە، لە ساڵی ١٩٦٦ لە چیای هەندرێن بە سەختی بریندار بووە و دواتر شەهید بووە.

سەلیم زاهر خەلیل، له‌ ساڵی ١٩٩٢ له‌ ڕێگای په‌یوه‌ندیكردنی به‌ هێزی پێشمه‌رگه‌ی كوردستان، ده‌بێته‌ ئه‌ندام له‌ ڕێكخستنه‌كانی پارتی دیموكراتی كوردستان، له‌ ساڵی ١٩٩٧ له‌ سنووری ناحیه‌ی سیده‌كان له‌ شه‌ڕێك له‌گه‌ڵ چه‌كدارانی په‌كه‌كه‌ شه‌هید ده‌بێت.

مستەفا جەعفەر یوسف، ناسراو به‌ (سه‌ید مسته‌فا بنه‌كاولی) له‌ ساڵی ١٩٦١ له‌گه‌ڵ په‌یوه‌ندیكردنی به‌ شۆڕشی ئه‌یلوول ده‌بێته‌ ئه‌ندام له‌ ڕێكخستنه‌ نهێنیه‌كانی پارتی دیموكراتی كوردستان، له‌ ٥ی کانوونی دووەمی ١٩٧٥ له‌ گوندی به‌رسیرینی سه‌ر به‌ قه‌زای ڕواندز شه‌هید ده‌بێت.

سەلیم عەلی فەقێ محەمەد، لە ساڵى ١٩٥١ پەیوەندی بە ڕێکخستنەکانی پارتی دیموکراتی کوردستان کردووە، بۆ ماوەی ٨ ساڵ زیندانی سیاسی بووە، لە شۆڕشی ئەیلوول پێشمەرگە بووە، لە ژیانی پێشمەرگایەتی جارێک بریندار بووە، لە ساڵی ١٩٦٥ لە چیای سەفین شەهید بووە.

سەردار ئەمیر عاز عەزیز، لە ساڵی ١٩٦٣ لە شاری ‌هەولێر لە دایکبووە. پێشمەرگەى شۆڕشی گوڵان بووە، لە ساڵی ١٩٨٣ لە چیای قەندیل شەهید بووە.

سەفین عوسمان عەبدوڵا، لە ساڵى ١٩٦١ لە شارۆچکەی شەقڵاوە لەدایکبووە، ئەندامى یەکێتى قوتابیانى کوردستان بووە، لە ڕێکخەر و پێشڕەوەکانى خۆپیشاندانەکەى ساڵى ١٩٨٧ى شەقڵاوە بووە، دەستگیردەکرێت و دواى شەش مانگ لە بەندکردن، لە سێدارە دەدرێت.

سەربەست سەبری کاکۆ حسێن لە ساڵی ١٩٦٣ لە شارۆچکەی شەقڵاوە لەدایکبووە، سەر بە ڕێکخستنەکانى پارتی دیموکراتی کوردستان بووە، لە سەرەتای ساڵی ١٩٨٣ دەستگیرکراوە و ڕەوانەی گرتووخانەی ئەبوغرێب کراوە. دواى ئازادبوونى، لە ساڵی ١٩٨٧ پەیوەندی دەکاتەوە بە مەفرەزەکانی لقی دوو. لە ساڵی ١٩٨٨ دەستبەسەر دەکرێت و دواتر شەهید دەبێت.

عەبدوڵا محەمەد عەلى، ناسراو بە (سەید عەبدوڵا)، لە ساڵى ١٩٣٦لە حاجی ئۆمەران لەدایکبووە، لە شۆڕشى ئەیلوول پێشمەرگە بووە، لە مەفرەزە سەرەتاییەکانى شۆڕشى گوڵان بووە، یەکەمین شەهیدى شۆڕشى گوڵانە.