خالید ڕەشید ئەحمەد ناسراو بە (خالید کۆچەر)، ساڵی ١٩٥٧ لە گوندی گرفیل سەربە قەزای سێمێل لەدایک بووە، ساڵی ١٩٧٢پەیوەندى بە هێزى پێشمەرگەى شۆڕشی ئەیلوول کردووە، ساڵى ١٩٧٦ پەیوەندی بەهێزى پێشمەرگەى شۆڕشی گوڵان کردووەتەوە، ساڵی ١٩٩١ گەڕاوەتەوە بۆ باشووری کوردستان، لە ١٣ی تشرینی یەکەمی ١٩٩٩ میدالیای بارزانی پێ بەخشراوە.

خالید حەمید ئاغا بیری، ساڵی ١٩٤٤ لە گوندی بیری لەدەڤەری دۆسکی سەروو سەربە قەزای ئامێدی پارێزگاى دهۆک لەدایک بووە، ساڵی ١٩٦١ بۆتە پێشمەرگە، ساڵی ١٩٧٥ دوای نسکۆی شۆڕشی ئەیلوول ئاوارەی وڵاتی ئێران بووە، ساڵی ١٩٧٩ پەیوەندی بە هێزى پێشمەرگەى شۆڕشی گوڵان کردووە، ساڵی ١٩٩١ گەڕاوەتەوە بۆ باشووری کوردستان، لە ١٦ی ئابی ١٩٩٦ میدالیای بارزانی پێ بەخشراوە، لە ٣٠ی ئایاری ٢٠١٢ کۆچی دوایی کردووە.

خدر حسێن خدر، ساڵی ١٩٩٢ پەیوەندی بە ڕێکخستنەکانى پارتی دیموکراتی کوردستان کردووە، لە ڕۆژی ٢١ی کانونی یەکەمی ساڵی ١٩٩٧ لە شیوەڕەشی حاجی ئۆمەران لە شەڕی بەرگریکردن لە سەروەری یاسا لەلایەن چەکدارانی پەکەکە شەهید کراوە.

خدر عەلی خدر، ناسراو بە خدری حاجی عەلی، ساڵی ١٩٣٨ لە پارێزگای هەولێر لە دایکبووە،ساڵی ١٩٦٦ پەیوەندى بە هێزى پێشمەرگە شۆڕشی ئەیلوول کردووە، ساڵی ١٩٧٩ پەیوەندى بە هێزى پێشمەرگە شۆڕشی گوڵان کردووە، ساڵی ١٩٧٩ شەهید بووە.

خالید محەمەد ئیبراهیم حسێن ناسراو بە (خالید شلی)، لە ساڵی ١٩٤٣ لە پارێزگای دهۆک لەدایکبووە، ساڵی ١٩٦٢ پەیوەندی بە پارتی دیموکراتی کوردستانەوە دەکات و هەمانساڵ چووتە ڕیزی پێشمەرگەی شۆڕشی ئەیلوول، دوای نسکۆی شۆڕشی ئەیلوول ئاوارەی وەڵاتی ئێران بووە، بەشداری شۆڕشی گۆڵانی کردوە، لەگەڵ ڕاپەڕینی ساڵی ١٩٩١ خەڵکی کوردستان گەڕاوتەوە باشوورى کوردستان، ساڵی ٢٠٠٤ بەرپرسی دەزگای ئەیلوول لە ئاکرێ بووە، لە هەڵگرانی مەدالیای بارزانی یە.

شەهید خسرۆ عەبدوڵا حەمەد ئەمین، لەساڵی ١٩٩١ پەیوەندی بە ڕێکخستنەکانى پارتی دیموکراتی کوردستان کردووە، لە ڕۆژی ١٨ی حوزەیران ساڵی ١٩٩٨ لە چیای سەقەر لەدەڤەری سیدەکان شەهید بووە.

شەهید خدر حەمەد عومەر ناسراو بە خدر قەلێتانی، ساڵى ١٩٤٨ لە ناحیەى سیدەکانى پارێزگاى هەولێر لەدایک بووە، ساڵى ١٩٩١ پەیوەندى بە ڕیزەکانى پارتى دیموکراتى کوردستان کردووە، لە ڕۆژی ١٩ی تەمموزی ١٩٩٧ شەهید کراوە.

خدر ئەحمەد مستەفا عەبدوڵا، ناسراو بە وەستا خدر مستەفا، ساڵى ١٩٣١ لە گوندى ڕوستێی ناحیەى سمیلانى قەزاى چۆمان پارێزگاى هەولێر لەدایک بووە، لە حوجرە خوێندوویەتى، خێزاندار بووە و خاوەنى دوو کوڕ و دوو کچ بووە، لە ١٦ى تەمووزى ١٩٦٢ لەلایەن جاشەکانى کەریم خانى برادۆست شەهید کراوە.

خۆشەوی ئەسعەد میر ئەحمەد لە ساڵی ١٩٩١ پەیوەندی دەکات بەپارتی دیموکراتی کوردستان، لە ساڵی ١٩٩٧ لەشەڕی بەرگری لەسەروەری یاسا لە چیای دڕەبی بەگولەی چەکدارانی پەکەکە شەهید کراوە.

خدر محەمەد خدر، ناسراو بە خدر مەمەدەڕەش ڕواندزی، لە ١٦ی ئابى ١٩٥٧ لە شارى ڕواندز سەر بە پارێزگاى هەولێر لەدایک بووە، قۆناغى خوێندنى سەرەتایی لە شارى ڕواندز تەواو کردووە، ساڵى ١٩٧٥ لە دواى نسکۆی شۆڕشی ئەیلوول ئاوارەى وڵاتى ئێران دەبێت و لەشارى یەزد نیشتەجێ دەبێت. ساڵى ١٩٩١ دواى ڕاپەڕینى خەڵکى باشوورى کوردستان دەگەڕێتەوە نیشتمان و لەشارى ڕواندز نیشتەجێ دەبێت.

خەلیل ئەمین جەلیل حەجی، ساڵی ١٩٥٥ لە گوندی هیتۆت سەر بە قەزای ئامێدی پارێزگاى دهۆک لەدایک بووە، ئەمین جەلیلی باوکی لەگەڵ حەسۆ میرخان دۆلەمەری پێشمەرگەی شۆڕشی ئەیلوول بووە، خەلیل ئەمین لەتەمەنی دوانزدە ساڵیەوە تێکەڵاوی لەگەڵ پێشمەرگەکانی بارەگای بارزانی لە ڕێزان پەیداکردبوو و لەگەڵ لوقمان بارزانی کوڕی مستەفا بارزانی بووە.

خدر یوسف باپیر، سالی ١٩٧٠ پەیوەندی بە ڕیزەکانی پارتی دیموکراتی کوردستانەوە دەکات و کاری رێکخستنی نهێنی دەکات، لە ساڵی ١٩٨٧ لەلایەن رژێمی بەعس دەستگیر دەکرێت و لەهەمان ساڵ لە سێدارە دەدرێت