شه‌هید خەلیل رەشید عەبدولعەزیز خه‌م، له‌ ساڵی ١٩٧١ په‌یوه‌ندی به ‌ڕیزه‌كانی پارتی دیموكراتی كوردستان ده‌كات و له‌ هه‌مان ساڵ ده‌بێته‌ پێشمه‌رگه‌، له‌ ساڵی ١٩٧٤ له‌ كاتی ئه‌ركی پێشمه‌رگایه‌تی و پوچه‌ڵكردنه‌وه‌ی مینه‌ چێندراوه‌كانی حكومه‌تی عێراقی له‌ گوندی هاودیانی سه‌ر به‌ قه‌زای سۆران، مینێكی پێیدا ده‌ته‌قێته‌وه‌ و شه‌هید ده‌بێت.

خاڵند حەسکۆ ئیبراهیم، له‌گه‌ڵ هه‌ڵگیرسانی شۆڕشی دووه‌می بارزان (١٩٤٣_١٩٤٥) ده‌بێته‌ پێشمه‌رگه‌ و به‌شداری له‌ داستانه‌كانی ئه‌و سه‌رده‌مە ده‌كات و پاش تێكچوونی شۆڕشیش له‌گه‌ڵ بارزانییه‌كان ڕێگای ڕۆژهه‌ڵاتی كوردستان ده‌گرێته‌به‌ر و له‌ كۆماری كوردستان-مهابادیش وه‌كو پێشمه‌رگه‌ به‌شداری ده‌كات....

خەلیل حەمەد عەلی حەمەدەمین، لە ساڵی ١٩٨١ پەیوەندی بە شانەی ڕێکخستنەکانی پارتی دیموکراتی کوردستان کردووە، لە شانەى چەکداریى ناوەوە و دەرەوەى بەشداربووە، لە ساڵى ١٩٨٨ لە گوندى بەرەکە شەهید بووە.