حسێن محەمەد عەبدوڵا خاڵە، ساڵى ١٩٧٩ پەیوەندى بەهێزى پێشمەرگەى شۆڕشى گوڵان کردووە و لە ڕێکخراوى سیروانى سەر بە لێژنە ناوچەى خانەقینى لقى سێی پارتی دیموکراتى کوردستان بۆتە پێشمەرگە، لە ٦ى شوباتى ١٩٨٢ بەهۆى بۆردومانى فڕۆکەى حکومەتى عێراقى شەهید بووە.

حەسەن عەبدولڕەحمان، ناسراو بە حەسەن ئاغا بەرزێوەیی، ساڵى ١٩٦٥ پەیوەندى بە هێزى پێشمەرگەى شۆڕشی ئەیلوول کردووە، لە شۆڕشی ئەیلوول پلەى جێگرى بەتالیۆنى (١)ی زۆزکى وەرگرتووە، ساڵى ١٩٧٩ دەکرێتە ئامر هێزى سەرکردایەتى، ساڵى ١٩٨٦ پلەى بەرپرسی لێژنە ناوچەى ڕواندزى وەرگرتووە.

حەمەعەلی محەمەد سەعید، پێشمەرگەی شۆڕشی ئەیلوول بووە، لە ساڵی ١٩٦٩ لە سەنگەری بەرگری لە دەشتی شارەزوور لەلایەن گرووپی ئیبراهیم ئەحمەد شەهید کراوە.

فەرماندە حەجى شیخۆمەر بێڕۆخى، ناسراو بە حەجى بێڕۆخى، ساڵى ١٩٤٣ وەک سەرقۆڵ ئەرک دەبینێت لە شۆڕشى دووەمى بارزان، بەشدارى داستانى مەیدان مۆریکى کردووە، فەرماندەیی بەتالیۆنى ١ی هێزى باڵەک بووە، ساڵى ١٩٦٥ تاوەکوو نسکۆى شۆڕشى ئەیلوول بەرپرسى میحوەرى دەشتە دیاناى هێزى پێشمەرگە بووە.

فەرماندە حسۆ مەحمود بابەکر، ناسراو بە حسۆ کانیەلنجى، پێشمەرگەى شۆڕشی ئەیلوول و گوڵان و ڕاپەڕین بووە، ساڵى ١٩٥٩ پەیوەندى بەهێزى پێشمەرگە کردووە ،هەڵگرى میدالیاى بارزانى نەمرە.

فه‌رمانده‌ حەجی میرخان ئه‌حمه‌د سلێمان، ناسراو به‌ حاجی میرخان دۆله‌مه‌ری، پێشمه‌رگه‌ی شۆڕشی ئەیلوول و شۆڕشی گوڵان و ڕاپه‌ڕین، له‌ ٧ی ته‌مووزی ١٩٦٢ پله‌ی سه‌رقۆڵی وه‌رگرتووه‌، ساڵی ١٩٧٠ بۆته‌ به‌رپرسی لێژنه‌ ناوچه‌ی ئاكرێ، ئه‌ندامی ده‌زگای باڵای ئه‌یلوول و به‌رپرسی لێژنه‌ی ئه‌یلووله‌ له‌ سۆران و مێرگه‌سۆر.

شەهید حەسەن محەمەد، پێشمەرگەی شۆڕشی گوڵان بووە، لە ژیانی پێشمەرگایەتی یەکجار بریندار بووە، ساڵی ١٩٨٢ لە کاتی ئەرکی پێشمەرگایه‌تی لە سەنگەردا لەلایەن خۆفرۆشێکەوە شەهید کراوە و چەکەکەی و پارچەیەک لە جەستەی بردووە و خۆی ڕادەستی بەعس کردۆتەوە.

حەمەڕەشید محەمەد عەبدولڕەحمان، پێشمەرگەی هەردوو شۆڕشی ئەیلوول و شۆڕشی گوڵان بووە، لە ساڵی ١٩٧٩ لە کاتی ڕووبەڕوو بوونەوە بەرامبەر سەربازی ئەوکاتی عێراق لە سنوری شاری هەڵەبجە لەگەڵ هاوسەنگەرێکی دەسگیرکراون و دوای سێ مانگ زیندانی لە سێدارە دراون و شەهید بوونە، یەکێکە لەو شەهیدانەی کە گۆڕی نادیارە.

حەبیب حەمەڕەشید وەهاب، پێشمەرگەی شۆڕشی گوڵان بووە، ساڵی ١٩٧٩ لە دەڤەری هەورامان کەوتۆتە بۆسەی سەربازی ڕژێمی ئەوکاتی عێراق و شەهید بووە.

حەمید محەمەد قادر، پێشمەرگەی شۆڕشی گوڵان بووە، لە ساڵی ١٩٧٨ لە گوندی کانی ژەنانی سەربە پارێزگای هەڵەبجە کەوتوونەتە ناو پیلانی یه‌كێتی و لە کاتی پشوودا حەمید محەمەد و پێنج هاوسەنگەری شەهید کراون.

حەمەمراد باقی ئەمین، پێشمەرگەی شۆڕشی ئەیلوول بووە، لە ژیانی پێشمەرگایەتی دووجار بریندار بووە، لە ساڵی ١٩٦٩ لە شەڕی پێنجوێن شەهید بووە.

حەمەخان ئەمین حەمەکەریم، لە دوای نسکۆی شۆڕشی ئەیلوول ئاوارەی وڵاتی ئێران بووە، پێشمەرگەی شۆڕشی گوڵان بووە، لە ساڵی ١٩٨٨ لە داستانی خواکورک شەهید بووە.