ڕەسول حوسێن ناسراو بە حاجی ئاغای کۆسرەتان، ساڵی ١٩٠١ لە گوندی مێرگەی سەر بەناحیەى گەڵاڵەى قەزاى چۆمانى پارێزگاى هەولێر لە دایک بووە. بەشداری کۆماری کوردستانی لە مەهاباد کردووە، دوای ڕوخانى کۆمار گەڕاوەتەوە بۆ گوندی زێوکە لە ناوچەی پیرانشاری ڕۆژهەڵاتى کوردستان و لە ماڵی خزمانی ماوەتەوە بەر لە گەڕانەوەی بارزانی نەمر لە یەکێتی سۆڤیەت و بۆ عێراق، بەشداریی چەند شەڕی دژ بەرژێمی عێراق و هەروەها شەڕی سۆفییەکانی سەر بەشێخ ڕەشیدى لۆڵانی کردووە.

حەلیمە عەبدوڵا ئەحمەد ناسراو بە دایکە حەلیمە، ساڵى ١٩٣٧ لە گوندى پشتاگرى لە ناوچەى زاویتە لە پارێزگاى دهۆک لەدایکبووە، هاوسەری فەرماندە عەبدولهادى محەمەد سەعدۆ سەرپەلى بەتالیۆنى ٤ی محەمەد حەسەن باجلورى بووە، ساڵى ١٩٧٥ عەبدولهادى لە چیاى پشت دهۆک شەهید بووە، دایکە حەلیمە لەگەڵ ٦ کوڕ و ٤ کچى لە گوندەکەیان ماوەتەوە و یەکێکە لەو ئافرەتە فیداکار و ئازایانەی کە هاوسەر و چوار کوڕى لە پێناو ئازادیی کوردستان شەهید بوونە. لە ٢٩ی نیسانى ١٩٩٧ کۆچى دوایی کردووە.

حەمەد ئیسماعیل مراد، سالی ١٩٦٦ پەیوەندی بە ڕیزەکانی پارتی دیموکراتی کوردستانەوە دەکات و بۆتە پێشمەرگە، لە ساڵی ١٩٧٥ لە گوندی سەردڕەی دۆڵی خانەقا بەبۆردومانی فرۆکەی رژێمی عێراق شەهید دەکرێت.

حەسەن عەبدول رەزاق حەسەن، سالی ١٩٦٥ پەیوەندی بە ڕیزەکانی پارتی دیموکراتی کوردستانەوە دەکات و بۆتە پێشمەرگە، لە ساڵی ١٩٧٤ لە گەلی عەلی بەگ بەگوللەی رژێمی عێراق شەهید دەکرێت.

حەمید کەریم پێشمەرگەی شۆڕشی ئەیلوول بووە، پلەی سەرپەلی وەرگرتووە، لە ساڵی ١٩٧٥ لە چیای بەمۆ شەهید بووە.

شەهید حەسەن مەجید حەسەن، پێشمەرگەی شۆڕشی ئەیلوول بووە، ساڵی١٩٦٣ لە چیای گۆڕەز شەهید دەبێت.

حەسەن ئیبراهیم ئەبابەکر، پێشمەرگەی هەردوو شۆڕشى ئەیلوول و گوڵان، ساڵی ١٩٨٥ لە بەندینخانەی ئەبۆ غرێب لە سێدارە دراوە.

حسێن ئیبراهیم ئەبابەکر، پێشمەرگەی شۆڕشی ئەیلوول، ساڵی ١٩٦٨ لە شەڕی چیای زۆزک شەهید بووە.

حەمید حەسەن شوان، پێشمەرگەی شۆڕشى ئەیلوول بووە، لەساڵی ١٩٦٦ لە گەرووی ئۆمەرئاغای ناحیەى دیاناى پارێزگاى هەولێر شەهید بووە.

محەمەد حەمەکەریم ناسراوە بە حەمەی خۆرشە پێشمەرگەی شۆڕشی گوڵان بووە، لە ساڵی ١٩٨٤ لە چەمی مەنجەری بریندار بووە، لە ١٩ی تشرینی دووەمی ١٩٨٩ لە سێدارە دراوە.

حەسەن حەمەشەریف پێشمەرگەی شۆڕشی گوڵان بووە، لە ساڵی ١٩٧٩ گوندی شیرەمەڕى ناحیەى خورماڵى سەربەپارێزگاى هەڵەبجە شەهید بووە.

حسێن محەمەد فەرەج پێشمەرگەی شۆڕشى ئەیلوول و کادیری یەکێتی لاوانی دیموکراتی کوردستان بووە، لە ساڵی ١٩٧٤ لە چیای زمناکۆ شەهید بووە.