حەبیب کەلەش عەلی خالید، ساڵی ١٩٤٤ لە گوندی باتیفا سەر بە قەزای زاخۆ لەدایک بووە، ساڵی ١٩٦٢ پەیوەندی بە هێزە پێشمەرگەى شۆڕشی ئەیلوول کردووە، ساڵى ١٩٧٥ دوای نسکۆی شۆڕشی ئەیلوول (١٩٦١- ١٩٧٥) ئاوارەى ولاتی ئێران بووە و لە شارى نەغەدەى ڕۆژهەڵاتی کوردستان نیشتەجێ بووە، ساڵی ١٩٨٠ کارگێڕی لێژنەی ناوچەی خەبات بووە، ساڵى ١٩٩١دوای ڕاپەڕینى جەماوەرى کوردستان، گەڕاوەتەوە بۆ باشووری کوردستان، لە ١٣ی تشرینی یەکەمی ١٩٩٩ میدالیای بارزانی پێ بەخشراوە.

حەجی عیسا گۆران، پێشمەرگە و هەڤاڵى بارزانى بۆ یەکێتى سۆڤیەت، پێشمەرگە و هەڤاڵى بارزانى بۆ یەکێتی سۆڤیەت، بەشداری شۆڕشی دووەمی بارزان (١٩٤٣-١٩٤٥) کردووە و یەکێک بووە لە پێشمەرگەی سوپای کۆماری دیموکراتی کوردستان لە مەهاباد (١٩٤٦)، بەشداری شۆڕشی ئەیلوول (١٩٦١- ١٩٧٥) کردووە، ساڵى ١٩٦٣ لەسەر چیاى مەتین شەهیدبووە.

حسێن مەلکۆ حەمەد (١٩١٨-١٩٨٣)، پێشمەرگە و هەڤاڵى بارزانى بۆ یەکێتى سۆڤیەت، بەشداری شۆڕشی ئەیلوول (١٩٦١- ١٩٧٥) کردووە.

حاجى عەلى سلێمان (١٩٢٨-١٩٨٣)، پێشمەرگە و هەڤاڵى بارزانى بۆ یەکێتى سۆڤیەت بووە.

حاجى شێخ میر وەسمان (١٩٣٠-٢٠٠٢)، پێشمەرگە و هەڤاڵى بارزانى بۆ یەکێتى سۆڤیەت بووە.

حاجى مەلۆ چاوشین، پێشمەرگە و هەڤاڵى بارزانى بۆ یەکێتى سۆڤیەت، ساڵى ١٩١٥ لە گوندى لێڕەبیر لە قەزاى مێرگەسۆر پارێزگاى هەولێر (ویلایەتی موسڵ) لەدایک بووە، ساڵى ١٩٥٧ دەرچووى بەشى کشتوکاڵی زانکۆ بووە لە ڕووسیا، ساڵى ١٩٣٢ ئاوارەى وڵاتى تورکیا بووە، بەشداری شۆڕشی ئەیلوولی ١٩٦١، ساڵى ١٩٧٥ دواى نسکۆى شۆڕشى ئەیلوول ئاوارەى وڵاتى ئێران بووە، ساڵى ١٩٩٣ گەڕاوەتەوە باشوورى کوردستان، لە ١٥ى ئەیلوولى ٢٠١٠ کۆچى دوایی کردووە و لە گوندى لێڕەبیرى زێدى خۆى بەخاک سپێردراوە.

حەوێز مەولود خدر عەبدوڵا، ساڵی ١٩٩١ دواى راپەڕینى جەماوەرى کوردستان، پەیوەندی بە ڕیزەکانی پارتی دیموکراتی کوردستان کردووە، لەساڵی ١٩٩٧ لە شەڕی بەرگریکردن لە سەروەری یاسا لە چیای گۆجاڕ بە گوللەی چەکدارانی پەکەکە شەهید بووە.

حەسەن وەسمان حەسەن، سالی ١٩٦٩ پەیوەندی بە ڕیزەکانی پارتی دیموکراتی کوردستانەوە دەکات و بۆتە پێشمەرگە، لە ساڵی ١٩٧٤ لە گوندی دەرگەڵە بەهۆی تۆپبارانی رژێمی عێراق شەهید دەکرێت.

شەهید حەمەفاتیح حەمەشەریف خوامراد، ساڵی ١٩٤١ لە پارێزگاى سلێمانى لە دایکبووە،ساڵی ١٩٦١ پەیوەندی بە هێزى پێشمەرگەى شۆڕشی ئەیلوول کردووە، ساڵی ١٩٦٣ شەهید بووە.

حەمەسەعید ئەمین محەمەد ناسراو بە حەمەسەعی ئەمین بەیجە، ساڵی ١٩٣٠ لە پارێزگای سلێمانی لە دایکبووە، ساڵی ١٩٦٤ پەیوەندی بە هێزى پێشمەرگەى شۆڕشی ئەیلوول کردووە، لە تشرینی یەکەمی ١٩٧٤ شەهید کراوە.

حیکمەت عەلى عەبدولکەریم، ساڵى ١٩٣٦ لە شارى هەڵەبجە لە دایک بووە، ساڵى ١٩٥٤ پەیوەندى بە ڕێکخستنەکانى پارتى دیموکراتى کوردستان کردووە، ساڵى ١٩٦١ پەیوەندى بە هێزى پێشمەرگەى شۆڕشی ئەیلوول کردووە، ساڵى ١٩٧٧ پەیوەندى بە ڕێکخستنە نهێنییەکانى پارتى دیموکراتى کوردستان کردووەتەوە، ساڵى ١٩٩٣ کراوەتە بەرپرسی بەشى شەهیدانى پارێزگاى سلێمانى، لە ١٦ى ئابى ١٩٩٦ لە یۆبیلى زێڕینى پارتى دیموکراتى کوردستان، میدالیاى بارزانى نەمرى پێ بەخشراوە.

حاجی ڕەمەزان محەمەد عەلی ناسراو بە (حجی خەنجەر)، سالی ١٩٥٢ لە پارێزگای دهۆک لەدایکبووە، محەمەد عەلی باپیری لەگەڵ شەهید شێخ عەبدولسەلام شەهید بووە، ساڵی ١٩٦٥ و لە تەمەنی منداڵی پەیوەندی بە هێزی پێشمەرگەی شۆڕشی ئەیلوول دەکات. ساڵی ١٩٧٥ دوای نسکۆ ئاوارەی وەڵاتی تورکیا بووە، ساڵی ١٩٧٦ پەیوەندی بە سەرکردایەتی کاتی پارتی دیموکراتی کوردستان دەکات، لە هەڵگرانی مەدالیای بارزانی یە.