شەهید جەلال مەولود عەبدوڵا، ساڵی ١٩٤٣ پارێزگاى هەولێر لە دایک بووە،جەلال مەولود، ساڵی ١٩٨١ پەیوەندی بە هێزى پێشمەرگەى شۆڕشى گوڵان کردووە،لە٣ى حوزەیرانى ١٩٨٧ شەهید بووە.

جەلال عەبدولمحەمەد خان، ناسراو بە جەلال لاوەرانى، ساڵى ١٩٣٦ لە گوندى لاوەران لە پارێزگاى هەڵەبجە لەدایک بووە، ساڵى ١٩٦١ پەیوەندى بە هێزى پێشمەرگەى شۆڕشى ئەیلوول کردووە، ساڵی ١٩٦٢ کراوەتە سەرپەل لە بەتالیۆنى ٦ى بەمۆدا، ساڵى ٢٠٠٠ پلەى ئەندامى دەزگاى ئەیلوولى لە شارى سلێمانى وەرگرتووە، لە ١٦ى ئابى ١٩٩٦ لە یۆبیلى زێڕینى پارتى دیموکراتى کوردستان میدالیاى بارزانى نەمرى پێ بەخشراوە.

جەوهەر حەمەدئەمین عەوڵا، ساڵی ١٩٩١ پەیوەندی بە ڕێکخستنەکانى پارتی دیموکراتی کوردستان کردووە، لە ڕۆژی ١٢ی تشرینی یەکەمی ١٩٩٥، لەشەڕی بەرگریکردن لە سەروەری یاسا لەسیدەکان لەلایەن چەکدارانی پەکەکە شەهید کراوە.

جەمال حامید ئەسعەد، ناسراو بە (جەمال بەختیار)، ساڵی ١٩٢٥ لە شارى سلێمانى لەدایک بووە، ساڵی ١٩٤٦ پەیوەندى بەڕیزەکانى کۆمارى کوردستان لە مهاباد کردووە، ساڵى ١٩٦١ دواى هەڵگیرسانى شۆڕشى ئەیلوول، دەستى بە خەباتى نهێنى کردووە، لە ١٣ی تشرینى یەکەمى ١٩٩٩ میدالیاى بارزانى نەمرى لەلایەن سەرۆک مەسعود بارزانى پێبەخشراوە.

جەمال ئەفنەس، ساڵی ١٩٥٣ لە شاری هەولێر لە دایکبووە، ساڵی ١٩٨٣ پەیوەندى بە هێزى پێشمەرگەى شۆڕشى گوڵان کردووە، ساڵی ١٩٩١ بەشدارى ڕاپەڕینە جەماوەرییەکەی خەڵکی کوردستانى کردووە. لە ٣١ی ئاداری١٩٩١ شەهید بووە.

جخسی ڕەشید حافز ناسراو بە (جخسی شێخزادە)، لەساڵی ١٩٨١ پەیوەندی بە ڕێکخستنەکانی پارتی دیموکراتی کوردستان دەکات، لە ڕۆژی ٣ی ئابی ١٩٩٧ لەئەنجامی تەقینەوەی مینێک کە لەلایەن چەکدارانی پەکەکەوە دانرابوو لەشەڕی بەرگریکردن لەسەروەری یاسا لەچیای ڕۆبی و ڕواڵ لەدەڤەری سیدەکان شەهید بووە.

جوانە ئەحمەد سابیر، لە ١ی ئابى ١٩٦٥ لە شارى قەڵادزێی پارێزگاى سلێمانى لەدایک بووە، قوتابى قۆناغى بنەڕەتى بووە، لە ٢٤ی نیسانی ١٩٧٤ بەهۆى بۆردومانى فڕۆکەکانى سوپاى عێراق بۆ سەر شارى قەڵادزێ شەهید بووە. له‌ گۆڕستانی ده‌روازه‌ی شاری قه‌ڵادزێ به‌خاك سپێردراوه‌.

جەوهەر خدر قادر لە ساڵی ١٩٩١پەیوەندی دەکات بەپارتی دیموکراتی کوردستان و بۆتە پێشمەرگە، لە ساڵی ١٩٩٧ لەشەڕی بەرگری لەسەروەری یاسا لە چیای دڕەبی بەگولەی چەکدارانی پەکەکە شەهید کراوە.

جەعفەر سلێمان عەلی چێی ساڵی ١٩٤٥ لە گوندی چێی لە قەزاى ئامێدی سەر بە پارێزگاى دهۆک لەدایک بووە، ساڵى ١٩٧٥ دوای نسکۆی شۆڕشی ئەیلوول ئاوارەى وڵاتى ئێران بووە و لە نەغەدە نیشتەجێبووە، دواتر گواستراوەتەوە بۆ مەشهەد، تا ساڵی ١٩٧٩ لەمەشهەد ماوەتەوە، هەمان ساڵ گەڕاوەتەوە بۆ کەرەج و چاوی بە ئیدریس بارزانی کەوتووە و تاساڵى ١٩٨١ لەئێران ماوەتەوە، ساڵی ١٩٨١ گەڕاوەتەوە بۆ باشوورى کوردستان و لە شارى دهۆک نیشتەجێبووە.

جوان یونس محەمەد، ناسراو بە جوان ڕۆژبه‌یانی، ساڵى ١٩٨٦ لە ئاوارەیی و لە وڵاتی ئێران لەدایک بووە، دەرچووى کۆلێژى ئاداب بەشى زمانى ئینگلیزییە.

جەمال فەقێ مستەفا کاک محەمەد، سالی ١٩٦٣ پەیوەندی بە ڕیزەکانی پارتی دیموکراتی کوردستانەوە دەکات و بۆتە پێشمەرگە، ساڵی ١٩٧٥ لە گوندی سەردڕە بەهۆی بۆردومانی فرۆکەکانی رژێمی عێراق شەهید دەکرێت.

جەعفەر ئیبراهیم بەشداربووی شۆڕشی گوڵان بووە، لە ساڵی ١٩٨٧ گوندی کانی بزری ناحیەی قوشتەپە شەهید دەبێت.