تەحسین حەمەد وسو ئەحمەد، ساڵی ١٩٩١ پەیوەندی بە ڕێکخستنەکانى پارتی دیموکراتی کوردستان کردووە، ساڵی ١٩٩٤ لە گوندی جویزانی ناحیەى سمیلان لە دەڤەری باڵەکایەتی لە شەڕی ناوخۆ شەهید کراوە.

شەهید تەلعەت عەلی پێشمەرگەی هەردوو شۆڕشی ئەیلوول و شۆڕشی گوڵان بووە، لە ساڵی ١٩٨٨ لە دۆڵی بالیسان لەگەڵ شەش هاوسەنگەری دوای یەک کاتژمێر لە ڕووبەڕووبوونەوەی سەربازانی ڕژێمی بەعس بێ سەروشوێن کراون.

تەها مەجید، پێشمەرگەی هەردوو شۆڕشی ئەیلوول و شۆڕشی گوڵان بووە، لە ساڵی ١٩٨٣ لە ڕووبەڕووبوونەوەیەکی هاوبەشی هێزەکانی (ی.ن.ک) و سەربازی ڕژێمی بەعس بە سەختی بریندار بووە و دوای ٢٢ ڕۆژ لە برینداری بەهۆی سەختی برینەکەیەوە لە وڵاتی ئێران شەهید بووە.

تەیب عەبدولڕەحمان تەیب ناسراو به‌ (شەهید تەیب ئاكره‌یی) له‌ ساڵی ١٩٧٢ ده‌بێته‌ به‌رپرسی یه‌كێتی قوتابیانی كوردستان، ساڵی ١٩٧٩ ده‌بێته‌ ئه‌ندامی كۆنگره‌ی نۆیەمی پارتی دیموكراتی كوردستان و ده‌بێته‌ به‌رپرسی لێژنه‌ ناوچه‌ی ئازادی، ساڵی ١٩٨٣ شه‌هید ده‌بێت.

تەها وسو سۆفی وسو، لە ساڵی ١٩٥٨ بۆ پێشوازی لە بارزانی نەمر ده‌چێته‌ شاری به‌غدا، ساڵی ١٩٦١ بۆته‌ پێشمەرگەی شۆڕشی ئەیلوول، لە پێشمەرگایەتیدا پلەی فەرماندەی مەفرەزەی وەرگرتووە، ساڵی ١٩٦١ لە داستانی دۆڵی بندێ شەهید بووە.

تۆفیق حسێن، ناسراوە بە دکتۆر تۆفیق، پێشمەرگەی شۆڕشی ئەیلوول بووە، دکتۆری شۆڕش بووە، لە ساڵی ١٩٧١ لە ڕووبه‌ڕووبوونه‌وه‌ لەگەڵ سەربازانی ڕژێمی عێراق شەهید بووە