بەختیار حسێن خدر حسێن، ساڵی ١٩٩٦ پەیوەندی بە ڕێکخستنەکانى پارتی دیموکراتی کوردستان کردووە، لە هەمان ساڵ لە شەڕی شاخی گۆجاڕی ناحیەى قەسرێ شەهید کراوە.

شەهید بنیامین قادر عەبدوڵا، ساڵی ١٩٩٣ پەیوەندی بە ڕێکخستنەکانى پارتی دیموکراتی کوردستان کردووە، ساڵی ١٩٩٧ لە شاخی گەورە لە شەڕی بەرگریکردن لە سەروەری یاسا لەلایەن چەکدارانی پەکەکە شەهید کراوە.

بەهائەدین محەمەد ئەمین ناسراو بە (سەید بەهائەدین ئیمامی)، ساڵی ١٩٤١ لە گوندی لاوەران سەربە دەڤەری هەڵەبجە لەدایک بووە، ساڵى ١٩٦١ پەیوەندى بەهێزی پێشمەرگەى شۆڕشی ئەیلوول کردووە و بووەتە پێشمەرگە، ساڵی ١٩٦٦ کراوە بە سەرپەل، ساڵى ١٩٧٩ پەیوەندی بە شۆڕشی گوڵان کردووەتەوە، دوای ڕاپەڕینەکەی ساڵی ١٩٩١ گەڕاوەتەوە بۆ باشووری کوردستان، لە ١٦ی ئابی ١٩٩٦ میدالیای بارزانی پێ بەخشراوە.

بەکر عەبدوڵا هەمزە ناسراو بە بەکرە سوڕ، ساڵی ١٩٥٠ لە گوندی لاوەرێی سەربە ناحیەی دیبەگەی قەزای مەخموور پارێزگاى هەولێر لە دایکبووە، ساڵی ١٩٦٧ پەیوەندی بە هێزى پێشمەرگەى شۆڕشی ئەیلوول کردووە، ساڵی ١٩٧٦ پەیوەندى بە هێزى پێشمەرگەى شۆڕشى گوڵان کردووەتەوە. ساڵى ١٩٧٨ لەلایەن مەفرەزەیەکى ئەمنى عێراق دەسگیر دەکرێت و لە ١٦ى ئەیلوولى هەمان ساڵ لەسێدارە دەدرێت.

بارزان خورشید یەحیا، لەسەرەتای ساڵی ١٩٩٧ پەیوەندی بە پارتی دیموکراتی کوردستان کردووە و بۆتە پێشمەرگە، لە ڕۆژی ٢٤ی تشرینی یەکەمی ١٩٩٧ لەشەڕی بەرگریکردن لەسەروەری یاسا لە چیای گۆشینە لە دەڤەری سیدەکان بەدەستی چەکدارانی پەکەکە شەهید بووە.

بێگەرد ڕەسوڵ ئەحمەد، لە ١٥ى ئادارى ١٩٦٧ لە شارى قەڵادزێی پارێزگاى سلێمانى لەدایک بووە، لە ٢٤ى نیسانى ١٩٧٤ بەهۆى بۆردومانى فڕۆکەکانى سوپاى عێراق بۆ سەر شارى قەڵادزێ شەهید بووە. له‌ گۆڕستانی ده‌روازه‌ی شاری قه‌ڵادزێ به‌خاك سپێردراوه‌.

بەدریە محەمەد خدر، لە ١ى تەمووزى ١٩٣٠ لە شارى قەڵادزێی پارێزگاى سلێمانى لەدایک بووە، کابانى ماڵ بووە، لە ٢٤ى نیسانى ١٩٧٤ بەهۆى بۆردومانى فڕۆکەکانى سوپاى عێراق بۆ سەر شارى قەڵادزێ شەهید بووە. له‌ گۆڕستانی ده‌روازه‌ی شاری قه‌ڵادزێ به‌خاك سپێردراوه‌.

بەختیار ئەحمەد سابیر، لە ١٥ى حوزەیرانى ١٩٦٤ لە شارى قەڵادزێی پارێزگاى سلێمانى لەدایک بووە، قوتابى قۆناغى بنەڕەتى بووە، لە ٢٤ی نیسانی ١٩٧٤ بەهۆى بۆردومانى فڕۆکەکانى سوپاى عێراق بۆ سەر شارى قەڵادزێ شەهید بووە. له‌ گۆڕستانی ده‌روازه‌ی شاری قه‌ڵادزێ به‌خاك سپێردراوه‌.

ساڵی ٢٠٠١ ئەندامی کۆنکرەی دەیەمی یەکێتی قوتابیانی کوردستان بووە و بە یەدەک لەو کۆنگرەیە دەرچووە...

بێرنارد کۆشنێر، سیاسەتمەدار، دیپلۆمات و پزیشکى پسپۆڕى فەڕەنسی، ساڵى ١٩٣٩ لە شارى کۆموونى باشوورى ڕۆژهەڵاتى وڵاتى فەڕەنسا لە دایک بووە، دامەزرێنەرى هەردوو ڕێکخراوى پزیشکانى بێ سنوور و پزیشکانى جیهانى، ئەندامى پەرلەمانى فەڕەنسا، ئەندامى پەرلەمانى یەکێتى ئەوروپا، وەزیرى تەندروستى، وەزیرى دەرەوەى یەکێتى ئەوروپا بووە، لە ١٥ى ئازارى ٢٠١٣ لەلایەن سەرۆک مەسعود بارزانى میدالیاى بارزانى نەمرى پێ بەخشرا.

بەهرام عەریف یاسین دۆسکى، ساڵى ١٩٧٣ لەدایک بووە، ساڵی ١٩٧٥ لەگەڵ ماڵباتەکەی ئاوارەی ئێران بووە، خوێندنی سەرەتایی لە ئۆردوگای زێوەی رۆژهەڵاتی کوردستان خوێندووە، هەر لە ئاوارەیی بروانامەی دبلۆمی لە ئێران وەرگرتووە و دەرچووی کۆلێژی یاسایە لە زانکۆی سەڵاحەددین.

لە ٩ی حوزەیرانی ساڵی ١٩٨٥، هەشت فڕۆکەی ڕژێمی بەعس لە گەرمەی شەڕی عێراق و ئێران بە شێوەیەکی هوڤیانە پەلاماری ئۆردوگای زێوەیاندا کە ئۆردوگایەکی تایبەت بەنیشتەجێبوونی ئەو پەنابەرە کوردانەی باشوور بوو، دەکەوتە ڕۆژهەڵاتی کوردستان. لەئەنجامدا ١٥٠ هاووڵاتی سڤیل بە پیر و منداڵ و پەککەوتەوە شەهیدبوون و نزیکەی ٤٠٠ هاووڵاتی دیکەش بریندار بوون کە بەشێکی زۆریان قوتابی بوون و بۆ وەرگرتنەوەی ئەنجامی کۆتایی ساڵ چووبوونە قوتابخانەکەیان.