عوسمان کەریم ناسراو بە (عوسە ڕەش کەماڵانی)، ساڵی ١٩٣٥ لە پارێزگاى سلێمانى لەدایکبووە، لە ١٥ی ئابی ١٩٦٥ پەیوەندی بە هێزى پێشمەرگەى شۆڕشی ئەیلوول کردووە، ساڵی ١٩٦٩ شەهید بووە.

فەرهاد ڕەسوڵ، ساڵی ١٩٤٦ لە پارێزگاى هەولێر لە دایکبووە، لە ساڵی ١٩٦٨ پەیوەندی بە هێزى پێشمەرگەى شۆڕشی ئەیلوول کردووە، ساڵی ١٩٧٤ شەهید بووە.

نوری ئەحمەد حەمەلاو، ساڵی ١٩٥٢ لە پارێزگاى سلێمانى لە دایکبووە، ساڵی ١٩٦٧ پەیوەندی بە هێزى پێشمەرگەى شۆڕشی ئەیلوولەوە کردووە، ساڵی ١٩٦٩ پلەی سەرپەلی وەرگرتووە. سالی ١٩٧٤ لە شەڕى چیاى زۆزک لە ناحیەى دیانا شەهید بووە.

محەمەد ئەول ناوسراو بە (حەمەی عەول)، لە ساڵی ١٩٤٥ لە پارێزگاى سلێمانى لە دایکبووە، ساڵی ١٩٦١ پەیوەندی بە هێزى پێشمەرگەى شۆڕشی ئەیلوول کردووە، بەشدارى چەندی شەڕى دژى سوپاى عێراق کردووە، ساڵی ١٩٧٤ پلەی سەرپەلی وەرگرتووە، لە ٣ی نیسانی ١٩٧٤ بریندار بووە و ٨ ڕۆژ دواى برینداربوونى شەهید بووە.

لوقمان فەتاح ناسراو بە (هێرش)، لە ساڵی ١٩٦٩ لە پارێزگاى سلێمانى لە دایکبووە، ساڵی ١٩٨٧ پەیوەندی بە هێزى پێشمەرگەى شۆڕشی گوڵان کردووە، ساڵى ١٩٨٨ دوای تاوانى ئەنفالی ڕژێمى بەعس دژى خەڵکى کوردستان بەشداری چالاکییە پارتیزانیەکانی دەڤەری دووکان و سورداش و کۆیە و قەرەداغی کردووە. ساڵى ١٩٩١ بەشدارى ڕاپەڕینى جەماوەرى باشوورى کوردستان کردووە و هەمان ساڵ لە بازیان شەهید بووە.

نەجم ڕەسوڵ ئەحمەد، لە ساڵی ١٩٧٣ لە پارێزگای سلێمانی لە دایکبووە، ساڵى ١٩٩١ پەیوەندى بە پارتى دیموکراتى کوردستان کردووە و بەشدارى ڕاپەڕینە جەماوەرییەکەی خەڵکی کوردستانی کردووە، لە ٢٠ی ئاداری ١٩٩١ و لە ئازادکردنی شاری کەرکووک شەهید بووە.

هەڤاڵانى بارزانى بەو ٥٢١ پێشمەرگە و خەباتکار و خاکپەروەر و شوێنکەوتووانە دەگوترێت کە لە ڕێککەوتى ٢٣ى ئایارى ١٩٤٧ یاوەرى جەنەڕاڵ مستەفا بارزانییان کرد و سنوورى سێ وڵاتى سەخت، دوورودرێژ و دژە کورد و بارزانیان بڕى و لە یەکێتى سۆڤیەت گیرسانەوە.

عوسمان ڕەحیم ئەحمەد ناسراو بە (عوسمان شێرە)، ساڵی ١٩٤١ لە پارێزگاى هەولێر لە دایک بووە، ساڵی ١٩٦٢ پەیوەندی بە هێزى پێشمەرگەى شۆڕشی ئەیلوول کردووە، لە چەند شەڕێک بریندار بووە، ساڵی ١٩٦٣ شەهید بووە.

فەتاح کەریم محەمەد ناسراو بە (فەتاح هەمەوەندی)، ساڵی ١٩٤٥ لە پارێزگاى سلێمانى لە دایکبووە، لە ١ی تشرینی یەکەمی ١٩٦٧ پەیوەندی بە هێزى پێشمەرگەى شۆڕشی ئەیلوول کردووە، دوجار بریندار بووە، شاڵى ١٩٧٤ شەهید بووە و گۆڕى نادیارە.

عەلی مستەفا عوسمان، ساڵی ١٩٥١ لە گوندی شەدەڵانی سەربە ناحیەی سورداشی قەزای دووکان پارێزگاى سلێمانى لە دایکبووە، ساڵی ١٩٦٩ پەیوەندى بە هێزى پێشمەرگەی شۆڕشی ئەیلوول کردووە، ساڵی ١٩٩١ پەیوەندى بەهێزى پێشمەرگەى پارتى دیموکراتى کوردستان کردووە. لە ٧ی ئاداری ١٩٩١ لەکاتى هێرشکردنە سەر ئەمنە سوورەکەى سلێمانى شەهید بووە.

عومەر کەریم، ساڵی ١٩٤٧ لە پارێزگاى سلێمانى لە دایکبووە، ساڵی ١٩٦٦ پەیوەندى بە هێزى پێشمەرگە شۆڕشی ئەیلوول کردووە، ساڵى ١٩٦٨ بەشداری شەڕی قەرەداغ و ساڵى ١٩٦٩ شەڕی قەمچوغە و شەڕی جاسەنەی کردووە. لە ١٥ی کانونی یەکەمی ١٩٦٩ شەهید بووە.

عەبدوڵا حەمەڕەشید، لە ساڵی ١٩٣٧ لە گوندی زێوێی سەربە ناحیەی سەرچناری قەزای دووکان پارێزگاى سلێمانى لە دایک بووە، ساڵی ١٩٦٤ پەیوەندى بە هێزى پێشمەرگە شۆڕشی ئەیلوول کردووە، لە ١١ی نیسانی ١٩٧٤ شەهید بووە.