شەهید یەحیا عەبدوڵا تەها لە ساڵی ١٩٣٧ لە گوندی داراشی سەربە ناحیەی بالیسانی قەزای شەقڵاوە لە دایکبووە، گوندنشین بووە و سەرقاڵی کاری جوتیاری بووە، یەحیا عەبدوڵا خێزاندار بووە و خێزانی ناوی فاتیمە عەبدوڵا بووە و خاوەنی یەک کوڕ و سێ کچ بووە بە ناوەکانی یونس، پیرۆز، خاتوون، گوڵیزار.
لە ساڵی ١٩٧٤ پەیوەندی بە شۆڕشی ئەیلوولەوە دەکات و دەبێتە پێشمەرگە لەلای خالید ئاژگەیی سەربە هێزی سەفینی پارتی دیموکراتی کوردستان.
یەحیا عەبدوڵا و دەستەیەک هاوسەنگەری لە ساڵی ١٩٧٤ لە نێوان گوندی مەلۆک و مێرگەسەری سەربە ناحیەی بێتواتە هێرشیان کردۆتە سەر ڕەباییەکی سەربازی ڕژێمی ئەوکاتی عێراق، دوای ڕووبەڕووبوونەوە یەحیا عەبدوڵا فیشەکی سەربازەکانی بەرکەوتووە و شەهید بووە، دواتر هاوسەنگەرانی جەستەکەی دەگوازنەوە گۆڕستانی گوندی نواوەی سەربە ناحیەی بێتواتەوە لەوێ بە خاکیان سپاردووە.
سەرچاوە:
ئەرشیفى دەستەى ئینسکلۆپیدیاى پارتى دیموکراتى کوردستان.
