ژیاننامە
گەیلان مستەفا لە ساڵی ١٩٦٣ لە شاری شەقڵاوە لەدایکبووە. ئاستی خوێندەواریی مامناوەند بووە، پیشەی سەرتاش بووە و سەڵت بووە. دایکى ناوى فاتیمە تەها بووە و چوار براى هەبوون بە ناوى محمد مستەفا، فەرهەنگ مستەفا، گەیلان مستەفا، بەهزاد مستەفا و خجیجە مستەفا، فخریە مستەفا، سوهام مستەفاش ناوى هەرسێ خوشکەکەیەتى.
خەباتنامە
مستەفا محەمەدى باوکى گەیلان پێشمەرگەی شۆڕشی ئەیلوول بووە و راستەوخۆ پەیوەنديی لەگەڵ مەلا غەریب هەبووە، دواتر لە ساڵی ١٩٨٠ باوکی بنکەیەک دروست دەکات بۆ کاری تەنزیمی و سەر بە وەستا یونسى ناوچەی شەقڵاوە دەبێت. گەیلان مستەفا بەردەستێکی باش و متمانەپێکراوى باوکی دەبێت بۆ کاری تەنزیمی و نووسین و گەیاندنی نامە و دابەشکردنی بڵاوکراوە حزبییەکان لە ناو شەقلاوە. لە ساڵی ١٩٨٧ باوکی رۆڵی باڵای دەبێت لە رێکخستن و سەرپەرشتیکردنی خۆپیشاندانەکەی شەقڵاوە، دواتر ئاشکرا دەبێت و خۆی و منداڵەکانی لە ئەمنی هەولێر دەستگیردەکرێن و ماڵەکەیان دەتەقێننەوە، دوای ماوەیەک مانەوە لە زیندان گەیلان و باوکی لە سێدارە دەدرێن و ئەندامەکانی تری خێزانەکەیان ئازاد دەکرێن.
سەرچاوە:
ئەرشیفی دەستەی ئینسکلۆپیدیای پارتی پارتی دیموکراتی کوردستان.
