ژیاننامە
کەریم ڕەحمان محەمەد فەرەج، ساڵی ١٩٥٦ لە گوندی بانی شاری سەر بە ناحیەی خورماڵ لە دایکبووە، گوندنشین بووە و سەرقاڵی کاری جوتیاری بووە، بۆ خوێندنی قۆناغی سەرەتایی ڕووی کردۆتە ناحیەی خورماڵ و قۆناغی سەرەتایی تەواو کردووە، بەر لێشاوی سەربازی زۆرە ملێی ڕژێمی بەعس کەوتووە و دوای ماوەیەکی کەم گەڕاوەتەوە بۆ خزمەتی پێشمەرگایەتی، کەریم ڕەحمان خێزاندار بووە و خێزانی ناوی زافەران ساڵح بووە و خاوەنی یەک کوڕ بووە بەناوی جەلال، ساڵی ١٩٨٥ شەهید بووە.
خەباتنامە
شەهید کەریم ڕەحمان محەمەد، ساڵی ١٩٨١ بۆتە پێشمەرگە لە بەتالیۆنی سێی هێزی سورێنی پارتی دیموکراتی کوردستان، کە لەوکاتەدا بارەگایان لە خۆرنەوەزانی دەڤەری هەورامان بووە، ساڵی ١٩٨١ به‌شداری شه‌ڕی ڕه‌زڵه و پاڕه‌زان و شه‌ڕی پارتیزانی ده‌شتی شاره‌زوور و ساڵی ١٩٨٥ شه‌ڕی هێڵامپێی كردووه، ساڵی ١٩٨٤ پلەی فەرماندەی کەرتی سەربە بەتالیۆنی سێی هێزی سورێنی وەرگرتووە.
ساڵی ١٩٨٥ دوای گرتنەوەی چەند سەنگەرێکی سەربازی ڕژێمی بەعس لە بەرزاییەکانی هێڵامپێی دەڤەری هەورامان لەلایەن هێزی پێشمەرگەوە کە کەریم ڕەحمان تێیدا بەشدار بووە، دواتر لەلایەن تۆپخانەکانی ڕژێمی بەعسەوە سەنگەرەکانی پێشوویان تۆپباران کردووە و کەریم ڕەحمان محەمەد تۆپێکی بەرکەوتووە و شەهید بووە. لەلایەن هاوسەنگەرانیەوە تەرمی کەریم ڕەحمان گوازراوەتەوە گوندی ئەحمەد ئاوا و لەوێ بە خاکیان سپاردووە.
سەرچاوە:
ئەرشیفی دەستەی ئینسکلۆپیدیای پارتی پارتی دیموکراتی کوردستان.
