شەهید کەریم ئەحمەد قادر، ساڵی ١٩١٠ لە گوندی کانی چناری سەربە ناحیەی پیرەمەگرونی قەزای دووکان پارێزگاى سلێمانى لە دایکبووە، گوندنشین و سەرقاڵی کاری جوتیاری و ئاژەڵداری بووە، خێزاندار بووە و خاوەنی دوو کوڕ و یەک کچ بووە.
کەریم ئەحمەد، ساڵی ١٩٦٨ پەیوەندی بە هێزى پێشمەرگەى شۆڕشی ئەیلوول کردووە و لە لقی چوار بە فەرماندەیی عومەرى حەمە عەلى لە بەتالیۆنی سێی سورداش بە فەرماندەیی ئەنوەر ئەزوەر سەر بە هێزی ڕزگاری پارتی دیموکراتی کوردستان بۆتە پێشمەرگە. لە شۆڕشی ئەیلوول بەشداری شەڕی جاسەنە، شەڕی کلکەسماق، شەڕی دووکان، شەڕی بازیان، شەڕی زێوێ و شەڕی قازان کردووە.
کەریم ئەحمەد، ساڵی ١٩٧٤ لە شەڕی قازانی نزیک ناحیەی پیرەمەگرون کە هێرشیان کردووە بۆ گرتنەوەی سەربازگەی سوپاى عێراق بردووە، لە ئەنجامی ڕووبەڕووبوونەوەیان لەگەڵ سەربازان کەریم ئەحمەد شەهید بووە و دوو هاوسەنگەری تری ستار کرژەیی و حەمەومین شەهید بوونە، دواتر لەلایەن هاونیشتیمانیانی گوندی قازان لە گۆرستانی گوند بە خاکیان سپاردوون.
سەرچاوە:
١- ئەرشیفی دەستەى ئینسکلۆپیدیاى پارتى دیموکراتى کوردستان.