شەهید کوردۆ لە ساڵی ١٩٦٦ لە گوندی ئەرگۆش سەر بە ناحیەی شێروان مەزن لە قەزای مێرگەسۆری پارێزگای هەولێر لەدایک بووە، تا قۆناغى ناوەندی خوێندووە، ساڵى ١٩٧٨ لەلایەن حکومەتى عێراق ڕاگوێزراون بۆ کۆمەڵگاى زۆرەملێی هەریر.
ساڵى ١٩٨٥ پەیوەندى بە ڕێکخستنە نهێنییەکانى پارتى دیموکراتى کوردستان کردووە، بەشدارى چەندی چالاکی نهێنى کردووە. ساڵى ١٩٨٨ لەلایەن دەزگاى ئەمنى شارەدێی هەریر بۆ ماوەى دوو مانگ دەستەسەر دەکرێت. ساڵى ١٩٩١ بەشدارى ڕاپەڕینى جەماوەرى کوردستان دژى حکومەتى عێراق دەکات، ساڵى ١٩٩٢ پەیوەندى بە هێزى پێشمەرگەى کوردستان کردووە و لە سوپاى بارزان دەبێتە پێشمەرگە و بەشدارى خولى سەربازى دەکات. هەمان ساڵ لە دەڤەرى مزوورى باڵا بریندار دەبێت.
ساڵى ١٩٩٥ لە دەڤەرى مزوورى باڵا لەلایەن چەکدارانى پەکەکە شەهید کراوە و لە گورستانی زۆلفەقار لە شارۆچکەی هەریر بە خاک سپێردراوە.
سەرچاوە:
ئەرشیفى دەستەی ئینسکلۆپیدیاى پارتى دیموکراتى کوردستان.
