ڕەسوڵ حەسەن حوسێن فەقیانى، ساڵى ١٩٥٥ لەگوندى فەقیانى دۆڵى ئاکۆیان سەر بە قەزاى ڕواندز لە پارێزگاى هەولێر لەدایک بووە، خوێندەوار، خێزاندار و خاوەنى دوو کوڕ و دوو کچ بووە.
ساڵى ١٩٧٤ پەیوەندى بە هێزی پێشمەرگەى شۆڕشی ئەیلوول کردووە و لە بەتالیۆنى مەلا ئەمین بارزانى بۆتە پێشمەرگە، ساڵى ١٩٧٧ پەیوەندى بە ڕێکحستنە نهێنیەکانى پارتى کردووە، ساڵى ١٩٧٩ لەلایەن بەڕێوەبەرایەتى ئەمنى حکومەتى بەعس لە شارى ڕواندز دەسگیر کراوە، دواى سێ مانگ لە زیندان ڕادەکات و لەلایەن پاسەوانانى زیندان تەقەى لێدەکرێت و بە سێ گولە بریندار دەبێت، بەبریندارى خۆى دەگەیەنێتە گوندى فەقیانى قەزاى ڕواندز، بۆ چارەسەرى ڕەوانەى وڵاتى ئێران دەکرێت.
ساڵى ١٩٧٩ دواى ئازادبوونى لە زیندان، پەیوەندى بە هێزی پێشمەرگەى شۆڕشی گوڵان کردووە و بەشدارى چەندین شەڕى پارتیزانى و چالاکى پێشمەرگایەتى کردووە، لەوانە شەڕى گۆڕنۆک، داستانى سەتیز، گەڵى مێگر، کێل کێل، شەڕى گوندى فەقیان. ساڵى ١٩٨٣ بریندار بووە.
ساڵى ١٩٩١ بەشداری ڕاپەڕینى جەماوەرى باشوورى کوردستانى کردووە، چەندین بەرپرسیاریەتى و پلەى لە هێزى پێشمەرگەى کوردستان وەرگرتووە، لەوانە: هەواڵگرى فەوج، لە فەوجى مستەفا صۆفى عەلى. ساڵى ١٩٩٥ پلەى ئەندامى لێژنە ناچەى ڕواندز و بەرپرسی لێژنە ڕێکخراوى دۆڵى ئاکۆیانى پارتی دیموکراتى کوردستانى وەرگرتوو.
شەوى ١٧ى تشرینى یەکەمى ١٩٩٦ لە کاتى هێرشی هێزێکى یەکیەتى بۆ سەر بارەگاى لێژنە ناوچەى ڕواندز بەبریندارى دەکەوێتە دەستیان و لە گوندى گەرەوان شەهید دەکرێت.
سەرچاوە:
ئەرشیفى دەستەى ئینسکلۆپیدیاى پارتى دیموکراتى کوردستان.
