ڕەزا قادر عەبدولکەریم، ناسراوە بە حەمە ڕەزا هەورامی، ساڵی ١٩٣٢ لە گوندی بەڵخەی سەربە ناحیەی بیارەی دەڤەری هەورامان لە دایکبووە، لە خوێندن قۆناغەکانی سەرەتایی و ناوەندی لە گوندی بەڵخە و قۆناغی ئامادەیی لە بیارە تەواو کردووە، بەژداری خولی پزیشکی کردووە و بۆتە دکتۆری شۆڕش.
ساڵی ١٩٦٦ بۆتە پێشمەرگە لە بەتالیۆنی شەشی بیارەی سەربە هیزی خەباتی پارتی دیموکراتی کوردستان، بەهۆی بوونی بڕوانامەی قۆناغی ئامادەیی لە خوێندن ڕاستەوخۆ نێردراوە بۆ حاجی ئومەران و دەڤەری گەڵاڵە بۆ بەژداری کردن لە خولی پزیشکی شۆڕش، دوای یەک ساڵ و شەش مانگ خولەکەی بە کۆتایی هێناوە و وەک دکتۆری شۆڕش ڕەوانەی هێزی خەبات کراوەتەوە.
ساڵی ١٩٦٩ لەگەڵ چەند هاوسەنگەرێکی لە چیای باڵامبۆی سەربە شاری هەڵەبجە کەوتوونەتە بۆسەی سەربازی ڕژێمی ئەوکاتی عێرق، ڕووبەڕوویان بوونەتەوە و ڕەزا قادر بە سەختی بریندار بووە و بە برینداری کەوتۆتە دەست سەربازەکانی عێراق، لە دوای خۆیان ڕایانکێشاوە تا نزیک گوندی گوڵانی سەربە پارێزگای هەڵەبجە و لە گوڵان فیشەک بارانیان کردووە و شەهید بووە. باوکی ڕەزا کە ناسراوە بە قالەی ماینجان، ساڵی ١٩٦٣ شه‌هید بووە، هەروەها دوو خوشکی بە ناوەکانی سوعدا و توبا لە کیمیابارانی شاری هەڵەبجە ساڵی ١٩٨٨ شەهید بوونە، ساڵی ١٩٦٩ بە برینداری لە بۆسەی سەربازانی ڕژێمی ئەوکاتی عێراق دەستبەسەر کراووە و لە نزیک شاری هەڵەبجە فیشەک باران کراوە و شەهید بووە.
سەرچاوە:
- ئەرشیفی دەستەی ئینسکلۆپیدیای پارتی دیموکراتی کوردستان.
