ڕۆستەم عەبدولمحەمەد ئەحمەد، ساڵی ١٩٤١ لە گوندی بەلەسۆی سەربە ناحیەی بەمۆی پارێزگای هەڵەبجە لە دایکبووە، دانیشتووی شارەدێی زەڕایەن بووە و فەرمانبەری شارەوانی زەڕایەن بووە، لە دوای نسکۆی شۆڕشی ئەیلوول ئاوارەی وڵاتی ئێران بووە و لە شاری کامێران نیشتەجێ بووە، ساڵی ١٩٧٩ گەڕاوەتەوە و لە گوندی بەلەسۆ نیشتەجێ بووە، خێزاندار بووە و خێزانی ناوی بەهیە ساڵح بووە و خاوەنی چوار کوڕ و شەش کچ بووە بە ناوەکانی ئەحمەد، مەحمود، عەتا، محەمەد، بێگەرد، بێخاڵ، بەهرە، بەناز، نیاز، بێریڤان.
ساڵی ١٩٦٨ بۆتە پێشمەرگە لە لقی چواری سەربە بەتالیۆنی شەشی بەمۆی هێزی خەباتی پارتی دیموکراتی کوردستان، کە لەوکاتەدا قادر حەمەساڵح تاگۆزی سەرلقی بووە، لە شۆڕشی ئەیلوول له چه‌ندین شه‌ڕ بەژداری کردووە لەوانه شەڕی دەربەندیخان، شەڕی سەرتیز، شەڕی حاجی ئۆمەران، شەڕی خانەقین، شەڕی هەڵەبجە.
ساڵی ١٩٩١ بۆتەوە بە پێشمەرگە لە هێزی سیروانی پارتی دیموکراتی کوردستان، کە لەوکاتەدا جه‌لال لاورانی فەرماندەی هێز بووە، بەژداری کردووە لە ئازادکردنی هەڵەبجە، عەربەت، دەربەندیخان، کەلار، کەرکووک، کوڵەجۆ، خانەقین.
ساڵی ١٩٩١ لە گوندی شێخ باوەی سەربە قەزای خانەقین، کەوتوونەتە بۆسەی هێزی موجاهدینی خەڵق و ڕۆستەم عەبدولمحەمەد ئەحمەد ولەگەڵ چەند هاوسەنگەرێکی شەهید بوونە.
سەرچاوە:
- ئەرشیفی دەستەی ئینسکلۆپیدیای پارتی دیموکراتی کوردستان.
