ژیاننامە
چیمەن مورشید مەلا شێخە لە ساڵی ١٩٥٦ لە شارۆچکەی شەقڵاوە لە دایکبووە، پیشەی مامۆستای قوتابخانە بووە، سەرەتای مامۆستایەتى لە قوتابخانەی گوندی سورسورە دەبێت و دواتر دەگوازرێتەوە بۆ ناو شارۆچکەی شەقلاوە، محه‌مه‌د ئه‌مین حاجی زوبێر دەبێتە هاوسەری ناوبراو و خاوەنی دوو کوڕە بە ناوەکانی رابەر محه‌مه‌د، دانەر محه‌مه‌د و یەک کچ بە ناوی بنارمحه‌مه‌د هەبووە.
خەباتنامە
چیمەن مورشید بەهۆی خوێندەواری و نزیکی لە یەکێتی قوتابیانی کوردستان هەر زوو دەبێتە جێگەی متمانەی فەرماندەکانی هێزی پێشمەرگە، لە ساڵی ١٩٨٠ لە نێوان هەریەکە لە ئەحمەد زەخۆک، ئەحمەد دەروێش، سەرباز عەلی رەشید، محه‌مه‌د عەلی ئۆمەر، نەبەز قادر ەوە دەبێتە نووسەر و هاوکاری گەیاندنی نووسراوەکان دەکات، کۆی ئەو ساڵانەى مامۆستا بووە، ڕۆڵی باڵای هەبووە لە پێدانی زانیاریی ناو قوتابخانەکانی شارۆچکەی شەقڵاوە بە ڕێکخستن و هێزەکانى پێشمەرگە.
لە ساڵی ١٩٨٧ مەفرەزەیەکی پێشمەرگە دەچنە گەڕەکی کریکۆر و زەبرێکی کوشندە لە هێزی دووژمن دەدەن وناوبراو داڵدەى ئەو مەفرەزەیە دەدا، بەو هۆیەوە ڕژێمی بەعس خانووەکەی بەسەردا دەتەقێننەوە و بە سەختی بریندار دەبێت، دوای ١٥ ڕۆژ لە برینداری لە نەخۆشخانە بەهۆی سەختی برینەکەی شەهید دەبێت.
سەرچاوە:
ئەرشیفی دەستەی ئینسکلۆپیدیای پارتی پارتی دیموکراتی کوردستان.
