شەهید ئەنوەر جەعفەر، ساڵی ١٩٦٧ لە گەڕەکی خانزادی شاری هەولێر لە دایکبووە، ساڵى ١٩٨٧ قوتابى دوا قۆناغى بەشی کارەبای پەیمانگای پیشەسازی بووە لە شاری هەولێر و خوێندنى تەواو نەکردووە.
ساڵى ١٩٨٤ لە قۆناغى یەکەمى پەیمانگا پەیوەندی بە ڕێکخستنەکانی یەکێتی قوتابیانی کوردستان کردووە و بەشداری کارای هەبووە لە چالاکییە نهێنییەکانى ناو شاری هەولێر.
ساڵی ١٩٨٦ لەگەڵ چەند هەڤاڵێکی ڕێنوێنى بۆ مەفرەزەیەکى هێزی پێشمەرگەى پارتى دیموکراتى کوردستان دەکەن بۆ ئەنجامدانى چالاکییەک کەبریتیی بوو لە کوشتنى پارێزگاى هەولێر. پێش ئەنجامادنى چالاکییەکە ئاشکرا دەبن، شەهید ئەنوەر دەربازى دەبێت و پەیوەندى بەهێزى پێشمەرگەى شۆڕشى گوڵان لە خنێرەى دەڤەرى سیدەکان کردووە.
ساڵى ١٩٨٧ بەنهێنى گەڕاوەتەوە ناو شارى هەولێر بۆ ئەنجامدانى چەند چالاکییەکى پارتیزانى، هەمان ساڵ دواى گەڕانەوەى لە گوندى سیساوەى ناحیەى حەریرى قەزاى شەقڵاوە دەکەوێتە بۆسەیەکى سوپاى عێراق و دەسگیر دەکرێت و لەو ساوە هیچ سۆراغێکى نییە و یەکێکە لەو شەهیدانەى گۆڕى نادیارە.
سەچاوە:
١- ئەرشیفى دەستەى ئینسکلۆپیدیاى پارتى دیموکراتى کوردستان.
