ژیاننامە
ئەسعەد حەمەسەعید شەمسەدین حەمەسەعید لە ساڵی ١٩٦٢ لە گوندی خەرپانی سەربە ناحیەی بیارەی پارێزگای هەڵەبجە لە دایکبووە، دەرچووی قۆناغی ئامادەیی بووە، دایکی ئەسعەد ناوی فاتیمە حەمەڕەزا بووە و برایەکانی عەدنان، عادل، تەحسین، موحسین، یاسین بووە، ساڵی ١٩٨٦ شەهید دەبێت.
خەباتنامە
ئەسعەد حەمەسەعید شەمسەدین لە ساڵی ١٩٧٩ لەلای محەمەد حەمەسەعید لە لێژنە ناوچەی هەڵەبجەی لقی چواری پارتی بووتە پێشمەرگە، بەشداری دەستەی پارتیزانی دەشتی شارەزوور، شەڕی ناوگردان، شەڕەکانی کەڕەجاڵی دەڤەری هەورامان، شەڕەکانی چیای سورێن و ملە قۆنەرە، شەڕی ئەحمەدئاوای کردووە، لە ساڵی ١٩٨١ لە یەکێک لە شەڕەکانی کەڕەجاڵ بریندار بووە، دوای وەرگرتنی چارەسەر و گەڕانەوەی پلەی فەرماندەی کەرت لە فەرماندەی هێزەکەی وەردەگرێت، لە ساڵی ١٩٨٤ لە شەڕی یەکەمی ملە قۆنەرەی چیای سورێن فیشەک بەر سینگی دەکەوێت و بۆ دووەمجار بە سەختی بریندار دەبێت، لەلایەن فەرماندی هێزی هەورامانەوە بۆ چارەسەرکردن ڕەوانەی شاری تارانی وڵاتی ئێران دەکرێت و دوای سێ مانگ لە چارەسەر وەرگرتن گەڕاوەتەوە سەنگەری پێشمەرگە، لە ساڵی ١٩٨٦ لە شەڕی ئەحمەدئاوا بە بەشداری هێزێکی زۆری سەرباز و جاشی ڕژێمی بەعس و دوابەدوای بەرگرییەکی قورس، ئەسعەد حەمەسەعید فیشەک بەر سینگی دەکەوێت و شەهید دەبێت و لەلایەن هاوسەنگەرانی تەرمەکەی گواستراوەتەوە بۆ شاری هەڵەبجە و لە گۆرستانی شەهیدانی ئەو شارە بەخاکیان سپاردووە.
سەرچاوە:
ئەرشیفی دەستەی ئینسکلۆپیدیای پارتی پارتی دیموکراتی کوردستان.
