شەهید ئەحمەدە ڕیشە سالی ١٩٧٩ پەیوەندی بە هێزى پێشمەرگەى شۆڕشی گوڵان کردووە و لە لێژنە ناوچەی دووکانی سەربە لقی چواری پارتی دیموکراتی کوردستان بۆتە پێشمەرگە. ساڵی ١٩٨٧بەشداری شەڕی سورداش و داستانی خواکوڕک، گرتنەوەی ڕەباییەکانی چیای سپلیک و فەوجی دەربەند باسەران و شەڕی پارتیزانی دەڤەری دووکان و کۆیە و بازیان و شەڕی قەرەداغ و شەڕی بنکەی پۆلیسی کۆیەی کردووە، ساڵی ١٩٨٦ پلەی بەرپرسی مەفرەزەی لێژنەی ناوچەی دووکانی وەرگرتووە.
ساڵی ١٩٩١بەشداری ڕاپەڕینە جەماوەرییەکەی خەڵکی کوردستان و ئازادکردنی شاری سلێمانی، قەزای دووکان، ناحیەی بازیان، قەزای چەمچەماڵ و شاری کەرکووکی کردووە.
لە ٢٠ی ئاداری ١٩٩١ و لە سەرەتای گەیشتنی هێزی پێشمەرگە بە دەروازەی شاری کەرکووک، تۆپخانەکانی ڕژێمی بەعس بە چڕی تۆپبارانی دەروازی شاری کەرکووکیان کردووە و ئەحمەدە ڕیشە لە گۆڕستانی حەسیرەکەی سەرەتای شار بەر تۆپباران کەوتووە و شەهید بووە.
سەرچاوە:
١- ئەرشیفى دەستەى ئینسکلۆپیدیاى پارتى دیموکراتى کوردستان.
