ئەحمەد مەولوود مەحمود ناسراوە بە ئەحمەد مینا، ساڵی ١٩٣٢ لە گوندی بەڵخەی سەربە ناحیەی بیارەی دەڤەری هەورامان لە دایکبووە، گوندنشین بووە و سەرقاڵی کاری باخداری بووە، خێزاندار بووە و خێزانی ناوی کافیە یمام بووە و خاوەنی سێ کوڕ و سێ کچ بووە بەناوەکانی وشیار، وەکێڵ، سەردار، مەهتاب، سوعاد، شنە.
ساڵی ١٩٦١ لە پەلی هەورامان کە شێخ حەمەئەمین سەرپەلی بووە و سەربە بەتالیۆنی خەباتی پارتی دیموکراتی کوردستان بۆتە پێشمەرگە، ساڵی ١٩٦٥ لە ڕووبەڕوو بوونەوە له‌گه‌ڵ سوپای ڕژێمی ئەوکاتی عێراق لە دەڤەری بێڵوڵەی بناری بەمۆ بە سەختی بریندار بووە، ساڵی ١٩٦٧ بۆتە بەرپرسی گرتووخانەی شۆڕش، کە لە ناحیەی بیارەی دەڤەری هەورامان بووە و لەلایەن هێزی خەباتەوە سەرپەرشتی کراوە.
ساڵی ١٩٦٩ ئەحمەد مەولوود و دوو هاوسەنگەری بەناوەکانی مەلا قایەر و عەلی حەلاو لە گوندی حەمە ئۆغان لە نێوان دەڤەری نەوڕۆڵی و شاری هەڵەبجە کەوتوونەتە بۆسەی سوپای ڕژێمی ئەوکاتی عێراق و دوای دوو کاتژمێر ڕووبەڕوو بوونەوە ئەحمەد مەولوود و دوو هاوسەنگەرەکەی شەهید بوونە.
سه‌رچاوه:
- ئه‌رشیفی ده‌سته‌ی ئینسكلۆپیدیای پارتی دیموكراتی كوردستان.
