ژیاننامە
ئەحمەد مەجید عەلی ئەزەر ناسراو بە ئەحمەد باشکی، ساڵی ١٩٤١ لە گوندی تەپەکەلی سەر بە ناحیەی وارماوەی قەزای شارەزوور لە دایکبووە، گوندنشین بووە و یەکێک بووە لە بازرگانە دیارەکانی بەروبوومی کشتوکاڵی دەشتی شارەزوور، تاقۆناغی سەرەتای خوێندووە و شارەزایەکی تەواوی لە زمانەکانی عەرەبی و فارسی هەبووە، ئەحمەد باشکی خێزاندار بووە و خێزانی ناوی فەیمە مەحمود ئەحمەد بووە و خاوەنی دوو کچ بووە بەناوەکانی چیمەن و دیمەن، ساڵی ١٩٧٤ شەهید بووە.
خەباتنامە
شەهید ئەحمەد مەجید ناسراو بە ئەحمەد باشکی، ساڵی ١٩٦٥ بۆتە پێشمەرگە لە بەتالیۆنی ٩ی گەرمیان سەر بە هێزی قەرەداغی پارتی دیموکراتی کوردستان، کە لەوکاتەدا عەزیز قازی سورچی فەرماندەی بەتالیۆن بووە و بارەگایان لە نەوێ و بەردەبەل بووە، بەشداری لە شەڕی دووکان، شەڕی گەرمیان، شەڕی کفری، شەڕی دەربەندیخان و شەڕی چیای زمناکۆ کردووە.
ئەحمەد باشکی لە ١ی ئاداری ١٩٧٤ ویستوویەتی بە مۆڵەتی چەند ڕۆژی بگەڕێتەوە گوند، گەیشتۆتە نیوان گوندی چنارە و تەپەکەل و کەوتۆتە بۆسەی شوعییەکان و شەهید كراوه.
سەرچاوە:
ئەرشیفی دەستەی ئینسکلۆپیدیای پارتی پارتی دیموکراتی کوردستان.
