ژیاننامە
ئیبراهیم ئەحمەد محەمەد قادر، ساڵی ١٩٤٩ لە گوندی کانی کەوەی دەڤەری شەمێرانی سەربە قەزای دەربەندیخان لە دایکبووە، گوندنشین بووە و سەرقاڵی کاری جوتیاری بووە، ئیبراهیم ئەحمەد محەمەد خێزاندار بووە و خێزانی ناوی لەمیعە ئەحمەد بووە و خاوەنی دووکچ بووە بەناوەکانی ناسکە و بەهار، ساڵی ١٩٧٨ شەهید کراوە.
خەباتنامە
شەهید ئیبراهیم ئەحمەد، ساڵی ١٩٧٧ بۆتە پێشمەرگە لەلای قادر حەمەساڵح تاگۆزی کە لە شۆڕشی ئەیلوول سەرلقی چواری بەتالیۆنی شەشی بەمۆی هێزی خەباتی پارتی دیموکراتی کوردستان بووە.
لە ٤ی تەمووزی ١٩٧٨ بۆ پشوو شەوێک لە گوندی کانی ژەنەی دەڤەری تاگۆزی لە نێوان سنووری وڵاتی ئێران و عێراق ماونەتەوە، بەڵام مه‌فره‌زه‌یه‌ك بە فەرماندەیی مەلا بەختیار پلانیان بۆ داناون و شەو لەکاتی پشوودا هەڵدەکوتنە سەریان و ئیبراهیم ئەحمەد و هاوسەنگەرێکی بەناوی جافر تاگۆزی شەهید دەکەن و عەزیز حەمەساڵح تاگۆزیشیان دەستبەسەر دەکەن، دواتر دانیشتووانی گوندی کانی ژەنە تەرمی ئیبراهیم ئەحمەد و هاوسەنگەرەکەی لە گۆڕستانی بوکانیە بە خاک دەسپێرن.
سەرچاوە:
ئەرشیفی دەستەی ئینسکلۆپیدیای پارتی پارتی دیموکراتی کوردستان.
