ژیاننامە
ئیبراهیم حەمەسەعید قادر نەورۆز، ساڵی ١٩٤٩ لە گوندی کانی مرواری سەر بە قەزای دەربەندیخان لە دایکبووە، گوندنشین بووە و سەرقاڵی ئاژەڵداری بووە، تا قۆناغی سەرەتایی خوێندووە، ساڵی ١٩٧٤ شەهید بووە.
خەباتنامە
شەهید ئیبراهیم حەمەسەعید قادر، ساڵی ١٩٦٩ بۆتە پێشمەرگە لە بەتالیۆنی دووی هێزی قەرەداغی پارتی دیموکراتی کوردستان، کە لەوکاتەدا مەحمودی عەزیز بەگ فەرماندەی بەتالیۆن بووە.
لە ٧ی تشرینی یەکەمی ١٩٧٤ لە ئەنجامی هێرشی شۆعییەکان بۆ سەر سەنگەری پێشمەرگە لە دەشتی شارەزوور و دەربەندیخان و چیای زمناکۆ، ئیبراهیم حەمەسەعید قادر لە سەنگەری گوندی قەڵبەزەی سەربە قەزای شارەزوور فیشەکی بەرکەوتووە و شەهید بووە، هاوکات لەگەڵ ئەودا هاوسەنگەرێکی بەناوی مامۆ مەحمود لەو سەنگەرەدا شەهید بووە.
سەرچاوە:
ئەرشیفی دەستەی ئینسکلۆپیدیای پارتی پارتی دیموکراتی کوردستان.
