شەهید وەهاب سەلیم یەحیا، ساڵی ١٩٦١ لە گوندی دێزۆ سەربە ناحیەی شێروان مەزن قەزای مێرگەسۆر پارێزگای هەولێر لە دایک بووە. خێزاندار بووە خاوەن شەش منداڵ بووە. ساڵی ١٩٧٥ ئاوارەی وڵاتی ئێران بووە و لە ئۆردوگای زێوە نێشتەجی بووە. ساڵی ١٩٩٤ گەڕاوەتەوە باشوری کوردستان و لە گوندی دێزو نێشتەجێ بووە.
ساڵی ١٩٨٠ پەیوەندى بە ڕیزەکانى پارتى دیموکراتى کوردستان کردووە، ساڵی ١٩٨٦ پەیوەندى بە هێزی پێشمەرگەى پارتى دیموکراتى کوردستان کردووە لە هێزی ئاوارە بۆتە پێشمەرگە. ساڵی ١٩٨٧ بەشداری لە شەرەکانی کۆلەکا، مێرگەسۆر، ئاشی خدر ئاغا کردووە. ساڵی ١٩٨٨ بەشداری شەری خواکوڕکی کردووە و هەمان ساڵ بەشداری شەڕی ئارمیشوک کردووە. ساڵى ١٩٩٤ پەیوەندى بە هێزی پێشمەرگەى پارتى دیموکراتى کوردستان کردووە و لە سوپای بارزان بۆتە پێشمەرگە. پلەی ئامر سریەی لە سوپای بارزان وەرگرتووە.
ساڵی ١٩٩٧ لە گوندی دێزۆی دەڤەرى مزوری باڵا لە کاتى هێرشی چەکدارانی پەکەکە بۆ سەر هێزی پێشمەرگە شەهید بووە و لە گۆرستانی گوندی سێلکێ لە دەڤەرى مزوری باڵا بە خاک سپێردراوە.
سەرچاوە:
١- ئەرشیفى دەستەى ئینسکلۆپیدیاى پارتى دیموکراتى کوردستان.
