وشیار کەمال رەسوڵ محەمەد

وشیار کەمال ڕەسول محەمەد ناسراو بە (ملازم)، لە ساڵى ١٩٦٢ لە گوندی چنێرانى سەر بە شارەدێى هیران لە دایک بووە، لە پێشمەرگایەتیدا بەرپرسى مەفرەزە بووە و یەک جار برینداربووە، لە ساڵی ١٩٨٧ لە نێوان هەردوو گوندى ئاقوبان، پونگینە شەهید دەبێت.


ژیاننامە

وشیار کەمال رەسوڵ محەمەد لە ساڵى ١٩٦٢ لە گوندی چنێرانى سەر بە شارەدێى هیران لە دایکبووە، ئاستی خوێندەواری سەرەتایی بووە، گوندنشین بووە و سەرقاڵى جووتیاری بووە، ناوبراو دوو برای تری شەهیدن بە ناوەکانی سەربەست کەمال، سالار کەمال. دایکى ناوى خانزاد سابیر بووە و شەش براى هەبوون بە ناوى نەوزاد، نزار، ستار، سەربەست، سەباح، سالار تاقانە خوشکێشى هەبووە بە ناوى سومەیە کەمال.


خەباتنامە

وشیار کەمال لە تەمەنى لاویدا پەیوەندی بە ڕیکخستنەکانى پارتى کردووە کە هاتووچۆى گوندەکەى ئەوانیان کردووە، تا ساڵى ١٩٨٣ کاتێک مەفرەزەیەکی وەستا یونس دەچێتە گوندەکەیان کە دەڕۆن ئەویش لەگەڵیان دەڕوات و لەو ڕۆژەوە پەیوەندی دەکات بە هێزی پێشمەرگەوە.

هەر لە سەرەتای پەیوەندی کردنی دەبێتە جێگەی متمانەی فەرماندەکانی، هەر زوو دەکرێتە بەرپرسی مەفرەزەیەکی چەند کەسی کە بە ملازم بانگکراوە، ئەم مەفرەزایە کاریگەریی تەواوی دەبێت لە دەڤەرەکە و زۆر چالاکی و چوونە ناو شاریان دەبێت، بە تایبەتی لە ساڵانی (١٩٨٦_١٩٨٧) زۆر چالاک دەبن لە دەستگیرکردنی ئەفسەرانی رژێم و ئەمنەکان کە هەموویانیان بە زیندوویی رادەستی لقی دوو کردوون، لە ساڵی ١٩٨٧ لە داستانی پردێ روساک بەشدار دەبێت و بریندار دەبێت، دەیگوازنەوە بۆ بارەگاکانی گوندى خەتێ تا چارەسەری بۆ دەکرێت و دەگەڕێتەوە. هەر لە هەمان ساڵدا بە فەرمانی لقی دوو ئۆپەراسیۆنی ١١ رەبایەکەی دۆڵی خۆشناوەتی دەست پێدەکات و ناوبراو بەرپرسی یەکێک لە مەفرەزەکان دەبێت، چەند نوقتەیەک پاک دەکەنەوە، بەڵام لە کاتی گرتنەوەی رەبایەی ئاقوبان، پونگینە گولەی دووژمن بەر سەری دەکەوێت و شەهید دەبێت.


سەرچاوە:

ئەرشیفی دەستەی ئینسکلۆپیدیای پارتی پارتی دیموکراتی کوردستان.


بابەتی پەیوەندیدار

نوری مەلا ئەحمەد مستەفا

نوری مەلا ئەحمەد مستەفا، ساڵی ١٩٧٣ پەیوەندی بە هێزى پێشمەرگەى شۆڕشی ئەیلوول کردووە و بۆتە پێشمەرگە، لە ڕۆژی ٨ی تشرینی یەکەمی ١٩٩٢ لە شەڕی بەرگریکردن لە سەروەری یاسا، لە چیای زرارا لە دەڤەری سیدەکان، لەلایەن چەکدارانی پەکەکە شەهید کراوە.

زانیاری زیاتر

نەبی ئەحمەد سۆفی

نەبی ئەحمەد سۆفی، ساڵی ١٩٨٥ پەیوەندی بە ڕێکخستنە نهێنییەکانى پارتی دیموکراتی کوردستانەوە کردووە، لە ڕۆژی ٣ی ئەیلوولی ١٩٩٧ لەشەڕی بەرگریکردن لە سەروەری یاسا، لە گوندی وەرتێ لەلایەن چەکدارانی پەکەکە شەهید کراوە.

زانیاری زیاتر

میرۆ حەمۆ سلێمان

میرۆ حەمۆ سلێمان، ساڵی ١٩٩١ پەیوەندی بە ڕیزەکانی پارتی دیموکراتی کوردستانەوە کردووە، لە ڕۆژی ٧ی تشرینی دووەمی ساڵی ١٩٩٧ لە شەڕی بەرگریکردن لەسەروەری یاسا لە سیدەکان بەدەستی چەکدارانی پەکەکە شەهید بووە.

زانیاری زیاتر

موسا عەزیز عومەر

موسا عەزیز عومەر، ساڵی ١٩٩١ پەیوەندی بە پارتی دیموکراتی کوردستانەوە کردووە، لە ڕۆژی ١ی کانوونی دووەمی ساڵی ١٩٩٨ لە شەڕی بەرگریکردن لە سەروەری یاسا، لە گوندی نزاریە لە دەڤەری سیدەکان لەلایەن چەکدارانی پەکەکە شەهید کراوە.

زانیاری زیاتر

ئیسماعیل خدر حەوێز

ئیسماعیل خدر حەوێز، ساڵی ١٩٨٠ لە سنوورى لێژنە ناوچەى ڕواندز، پەیوەندی بە ڕێکخستنە نهێنییەکانى پارتی دیموکراتی کوردستان کردووە، لە ڕۆژی ٧ی ئەیلوولی ١٩٩٧ لە شەڕی بەرگریکردن لە سەروەری یاسا، لە گوندی وەرتێ لەلایەن چەکدارانی پەکەکە شەهید کراوە.

زانیاری زیاتر