هیوا محەمەد‌عەلی فەتاح مستەفا ناسراوە بە دکتۆر هیوا، ساڵی ١٩٦٤ لە ناحیەی بیارەی سەربە پاریزگای هەڵەبجە لە دایکبووە، دانیشتووی بیارە بووە و دەرچووی قۆناغی ناوەندی بووە.
ساڵی ١٩٨٤ لە بەتالیۆنی هۆشمەندی یارئەحمەد سەربە هێزی زمناکۆی پارتی دیموکراتی کوردستان، به‌فه‌رمانده‌یی عەریف عابی بۆتە پێشمەرگە، ساڵی ١٩٩١ له ڕاپەڕینە جەماوەرییەکەی خەڵکی کوردستان و ئازادکردنی دەڤەری هەورامان، دەشتی شارەزوور، شاری هەڵەبجە، قەزای دەربەندیخان، ناحیەی عەربەت، شاری سلێمانی، شاری کەرکووک به‌ژداری كردووه.
ساڵی ١٩٩١ لە گەرتنەوەی سەربازگەی خالید لە شاری کەرکووک دوابەدوای چوونە ناوەوەی سەربازگەکە دەکەونە بۆسەی سوپای ڕژێمی بەعس، هیوا محەمەد‌عەلی و شەش لە هاوسەنگەرانی شەهید بوونە و تەرمەکانیشیان بەجێماوە، هاوسەنگەرە شەهیدەکانی بریتی بوون لە ملازم جوامێر، وەهاب عەلی ڕەحمان ، سەردار محەمەد ناسراو بە سەردار بەڵخەی، شەهید وریا، شەهید عابید، یەکێکە لەو شەهیدانەی کە گۆڕی نادیارە.
سه‌رچاوه:
ئه‌رشیفی ده‌سته‌ی ئینسكلۆپیدیای پارتی دیموكراتی كوردستان.
