شەهید نەبی عەوڵا کامیل، ساڵی ١٩٣٠ لە گوندی کۆیلەی سەربە ناحیەی قەسرێی قەزای چۆمان لە دایکبووە، گوندنشین و سەرقاڵی کاری جوتیاری بووە، تا قۆناغى سەرەتایی خوێندووە، خێزاندار بووە و خاوەنی سێ کوڕ و سێ کچ بووە.
ساڵى ١٩٦٩ پەیوەندى بەهێزى پێشمەرگەى شۆڕشی ئەیلوول کردووە و لە هێزى باڵەک بۆتە پێشمەرگە. ساڵى ١٩٧٤ بەشدارى شەڕەکانى چیاى زۆزک، کۆڕەک، ڕواندز، سەرتیز و هندرێنى کردووە.
ساڵی ١٩٧٥ لەکاتى بۆردومانى فڕۆکەى سوپاى عێراق بۆ سەر بارەگاى هێزى پێشمەرگە لە گوندى وەڵاشى قەزاى چۆمان، نەبى عەوڵا شەهید بووە و هەر لەوێش لە گۆڕستانى گوندى وەڵاش بەخاک سپێردراوە.
سەچاوە:
١- ئەرشیفى دەستەى ئینسکلۆپیدیاى پارتى دیموکراتى کوردستان.
