شەهید نوری ئیسماعیل سلێمان ئەرگۆشی مزوری، ساڵی ١٩٧٠ لە گوندی ئەرگۆش ناحیەی شێروان مەزن قەزای مێرگەسۆری پارێزگای هەولێر لە دایک بووە، ساڵى ١٩٧٨ لەلایەن حکومەتى عێراق ڕادەگوێزرێنەوە و لە کۆمەڵگاى زۆرەملێی هەریر نیشتەجێ دەکرێن. تا قۆناغى ناوەندى لە شارۆچکەى هەریر خوێندووە.
ساڵی ١٩٨٢ پەیوەندی بە ڕیکخستنە نهینییەکانى پارتى دیموکراتى کوردستان کردووە و لە شانە سەرەکى ئاگرین سەر بە لێژنە ناوچەى شەقڵاوە بۆتە ئەندام و ناوى نهێنی جەنگین بووە. ساڵى ١٩٨٧ لە بازگەى گەلى عەلى بەگ سەر بە ڕژێمى بەعس بۆماوەى ١٥ ڕۆژ دەستگیر دەکرێت و لە بەندیخانەى خەلیفان ڕادەگیرێت.
ساڵى ١٩٨٨ دواى سەردانیکردنى لقى دووى پارتى لە خرواتان و باویان بەنهێنى، لە کاتى گەڕانەوەى لە دۆڵی بالیسان لەلایەن هێزێکى تایبەتى سوپاى عێراق دەستگیر و دواتر شەهید دەکرێت.
سەرچاوە:
١- ئەرشیفى دەستەی ئینسکلۆپیدیاى پارتى دیموکراتى کوردستان.
