شەهید نایف عەبدولرەحمان عەبدوڵڵا ئەرگۆشی مزوری، ساڵی ١٩٥٨ لە گوندی ئەرگۆش سەر بە ناحیەی شێروان مەزن لە قەزای مێرگەسۆر لە پارێزگای هەولێر لە دایک بووە، قۆناغەکانى خوێندنى سەرەتایی و ناوەندى لە گوندى ئەرگۆش تەواو دەکات، ساڵى ١٩٧٧ بۆ تەواوکردنى قۆناغەکانى خوێندن دەچێتە شارى بەغدا و لە پەیمانگاى پیشەیی کشتوکاڵ وەردەگیرێت، ساڵى ١٩٨٠ بڕوانامەى دبلۆم لەپەیمانگاى پیشەیی کشتوکاڵى بەغدا وەردەگرێت. خێزاندار بووە و زمانى کوردی و عەرەبی زانیووە.
ساڵی ١٩٧٦ لە شارى بەغدا پەیوەندى بە ڕێکخستنە نهێنیەکانى پارتی دیموکراتی کوردستان دەکات، ساڵى ١٩٨١ پەیوەندى بە هێزی پێشمەرگەى شۆڕشی گوڵان کردووە و لە هێزی گۆڤەند بۆتە پێشمەرگە، ساڵی ١٩٨٢ لە رۆژهەلاتی کوردستان شەهید دەکرێت و لە گۆڕستانى مەلاباسەک لە ئۆردگاى زێوەى ڕۆژهەڵاتى کوردستان بەخاک دەسپێردرێت.
سەرچاوە:
١- ئەرشیفى دەستەی ئینسکلۆپیدیای پارتى دیموکراتى کوردستان.
