شەهید مەناف محەمەد، ساڵی ١٩٧١ لە گوندی ئوسومەربانی سەربە دەڤەری زرارەتی ناحیەی دارە شەکرانی سەربە پارێزگای هەولێر لە دایکبووە، ساڵی ١٩٧٥ لەگەڵ خانەوادەى ئاوارەی وڵاتی ئێران بووە و لە شاری شنۆ نیشتەجێ بوونە، ساڵى ١٩٧٦ گەڕاونەتەوە بۆ باشوورى کوردستان و لەلایەن دەسەڵاتدارانى حکومەتى عێراق لە ئۆردۆگاى مەلا ئۆمەر نیشتەجێ کراون، سەرقاڵی کاری ئاژەڵداری بووە.
ساڵی ١٩٩٠ پەیوەندى بە هێزى پێشمەرگەی شۆڕشى گوڵان کردووە و لە هێزی گوڵان بۆتە پێشمەرگە، ساڵى ١٩٩١ بەشدارى ڕاپەڕینى جەماوەرى کوردستانى کردووە و لە ئازادکردنى ئازادکردنی شەقڵاوە، کۆڕێ، هەولێر، پردێ، کەرکووک بەشدار بووە.
لە ٣١ی ئاداری١٩٩١ دوای کشانەوەی هێزەکانی پێشمەرگە لە شاری هەولێر، مەناف و چەند هاوسەنگەرێکی لە نزیک گوندی بەستۆرە کەوتوونەتە بەر تۆپبارانى تانکەکانی ڕژێمی بەعس و لە ئەنجامدا مەناف شەهید بووە، دواتر لەلایەن هاوسەنگەرانییەوە لە گۆڕستانی گوندی سارداوە بە خاکیان سپێردراوە.
سەرچاوە:
ئەرشیفى دەستەى ئینسکلۆپیدیاى پارتى دیموکراتى کوردستان.
