ژیاننامه
شههید موراد محەمەد ئەمین فەتاح یێ نیاس ب موراد قەدشی، ل سالا ١٩٥١ ل کومەلگەها قەدشێ ژ بنەمالەکا کوردپەروەر هاتیە سەر دنیایێ، خواندنا خوه یا سهرهتایی ل قەدشێ ب دوماهی دئینیت، پشتی ئازادبوونا خێزانا شەهيدی ژ لایێ رژێما بەعس ڤە دگەل خێزانا خو ڤەگوهاستنە کوردستانا تورکیا، ل شەڤا ٦ ل سەر ٧ێ تشرینە ئێکێ یا سالا ١٩٩٥ شەهيد دبيت.
خهباتنامه
شههید موراد محەمەد ئەمین فەتاح یێ نیاس ب موراد قەدشی، ل سالا ١٩٧٤ دبيته پێشمەرگە دگەل هێزا غازى حاجی مەلوی و بەردەوام بوويه هەتا سالا ١٩٧٥، ل سالا ١٩٧٥ دەست ب کارێ نهێنی کریە د گەل رێکخراوا شەهیدا جوانە مەرگ لەیلا قاسم و پشتی کو تۆڕا وان ئاشکرا دبیت ل سالا ١٩٨٦ پەیوەندیێ ب رێزێن پێشمەرگەى دکەت ژ بەر هندێ هەڤژین و زارۆک و برایێن وی دهێنە گرتن ژ لایێ رژێمێ ڤە، پشتی نسکویا شۆرەشا ئەیلوولێ، سەرکردایەتیا پارتی دیموکراتی کوردستان ب بڕیارا مەلامستەفا بارزانی (قیاده موەقهت) دامەزراند و بانگەوازیا گەلێ کوردستانێ کر بۆ دەستپێکرنا شۆرەشا گوڵانێ، شەهیدێ فەرماندە موراد قەدشی بەژداری د ڤێ شۆرەشێدا کر.
ل سالا ١٩٨٤ دبیتە بەرپرسێ رێکخراوا چوارچرا یا سەر ب لژنا ئامێدیێ ڤە، شەهیدێ فەرماندە د ئەنفالا ڕەشدا ب مال و خێزان ڤە دکەڤیتە د دەستێن رژێمێدا و دهێنە رەوانەکرن بۆ ئۆردیگایێ بەحرکێ.
شەهیدی بەژداری د سەرهلدانا سالا ١٩٩١ کرییە، پشتی لەشکرێ هەڤپشک لیوا ٤٣ دهێتە دامەزراندن پلا سەرلق پێ دهێتەدان و پشتی تێکچوونا وی لەشکری، لەشکەرێ تایبەتێ دوو دهێتە دامەزراندن و شەهید موراد د ناڤ لەشکەرێ تایبەتێ دوو دا دبیتە ئەفسەرێ حەرەکاتا.
شەهید د گەلەک شەڕاندا بەشدار بوویە مینا شەڕێ بامەڕنێ، داستانا کانی ماسێ، داستانا دێرەلوکێ، فروکەخانا بامەرنێ ،گرتنا فەوجا برکا هینێ و کوخێت بەرجی و شەڕێ ئەرەدنا و همزیکێ و دەڤەرا ئاکرێ و چەندین شەڕێن دی، ل شەڤا ٦ ل سەر ٧ێ تشرینا ئێکێ یا ساڵا ١٩٩٥ د شەڕەکێ مەزندا دگەل چەکدارێن پەکەکێ شەهيد دبيت.
سەرچاوە:
ئەرشیفی دەستەی ئینسکلۆپیدیای پارتی پارتی دیموکراتی کوردستان.
