ژیاننامه
شه‌هید مستەفا محەمەد ئەمین عەبدولحەمید، به‌رنیاس ب مسته‌فا كێسته‌یی، ل سالا ١٩٥٢ ل گوندێ كێسته ل ده‌ڤه‌را به‌رواریا ژ خێزانه‌كا هه‌ژار و كوردپه‌روه‌ر ژ دایك بوویه، ل گوندێ هرورێ خواندنا خو یا سه‌ره‌تایی ب دوماهیك دئینیت، لێ ژبه‌ر باردوخێ سه‌ختێ ژیانێ و توپبارانکرنا دەڤەرێ ب بەردەوامی ژ لایێ رژێمێ ڤە نه‌شیا به‌رده‌وامیێ بده‌ته خواندنا خو، ل سالا ١٩٧٦ دگەل خێزانا خو و گەلەک ژ مروڤێن خو ئاوارەی باکوورێ کوردستانێ دبیت و ل دەڤەرا مامخورا ئاکنجی دبیت و ل وی دەمی برایێ وی شەهید محه‌مه‌د و بابێ وی مه‌لا محه‌مه‌د ئه‌مین د زیندانێدا بوون ژبەر ئەگەرێن سیاسی، ل سالا ١٩٨١ دگه‌ل خێزانا خو جارەکا دی دچیته ئیرانێ و ل ئوردوگایێ سێرو ئاكنجی دبن، ل ١٣ێ ئادارا ١٩٩٣ دهێته شه‌هید كرن.
خه‌باتنامه
شه‌هید مستەفا محەمەد ئەمین عەبدولحەمید به‌رنیاس ب مسته‌فا كێسته‌یی، ل سالا ١٩٦٧ د ژیێ ١٥ سالیێدا دبیتە پێشمەرگە و ناڤێ وی دگەل هێزا سه‌لیم ئه‌سعه‌د خوشەڤی ل گوندێ قومریێ دهێتە تومارکرن و بەردەوام دبیت ل سەر کارێ خویێ پێشمەرگایەتیێ هەتا سالا ١٩٧٥، ل ده‌ستپێكا شۆره‌شا ٢٦ێ گوڵانا پێشكه‌فتنخواز ل سالا ١٩٧٦ شه‌هید مسته‌فا کێستەی پەیوەندیێ ب مه‌حمود ئێزدی دکەت و دبیتە پێشمەرگە و پلا ئامر مەفرەزە وەردگرت، ل سالا ١٩٧٩ ناچار بوو دگەل مالا خۆ ئاوارەی روژهەلاتێ کوردستانێ بوو و ل کومەلگەها سێرو ئاکنجی بوون و ژ بەر بارێ ئابووری ناچار دبیت مالا خو ل گەلەک جها ڤەگوهێزیت وەکی باژێرێ ئورمیێ و باژێرێ خوێ، ل سالا ١٩٧٩ دهێته هه‌لبژارتن بۆ ئه‌ندامه‌تیا كونگرێ ٩ یێ پارتى دیموكراتى كوردستان ل زێوە.
ل سالا ١٩٩١ دگەل هێزا مه‌لا ره‌مه‌زان قومری ڤەگەریا ئاخا کوردستانێ و پشکداری د سەرهلدانێ دا کر و پاشی پلا بەرپرساتیا رێکخراوێ وەرگرتیە و ژ بەر شیان و ژێهاتییا وی چەندین پلێن بەرپرسیێ وەردگریت و پاشی دبیتە ئامر هێز، ل سالا ١٩٩٤ بوو ئامر فەوجێ ٤ سەر ب سوپایێ ١ ڤە.
گرنگترین چالاكیێن له‌شكه‌رى یێن شه‌هید مسته‌فا کێستەی رولەکێ بەرچاڤ تێدا دیتی دناڤبەرا ساڵێن (١٩٧٤ – ١٩٩٥) داستانا گرێ قه‌سروكێ ل سالا ١٩٧٤، داستانا (سپیرێز/كێلیا شه‌دا) ل سالا ١٩٧٤،
داستانا چیایێ زاڤا ل سالا ١٩٧٤، داستانا كورێ ل سالا ١٩٧٦، كه‌مینا ده‌شتا سێمێلێ ل سالا ١٩٧٦، داستانا گه‌لیێ قیامه‌تێ، گرتنا چه‌ند سیخورێت رژێمێ ل باعه‌درێ ل سالا ١٩٧٧، كه‌مینا شكه‌فتێ و كانى مازێ ل سالا، كه‌مینا رژێمێ ل ده‌ڤه‌را نه‌هلێ ل سالا ١٩٧٨، كه‌مینا رژێمێ ل ده‌ڤه‌را شوش و شه‌رمنا ل سالا ١٩٧٨، كه‌مینا رژێمێ ل سه‌رێ پیرسى ل سالا ١٩٧٨، پشكدارى د رویدانێت پارتى و یەنەكە ل كوردستانا توركیا ل سالا ١٩٧٨، پشکداری د سەرهلدانا سالا ١٩٩١، داستانا گه‌لیێ قومریێ ل سالا ١٩٩٢، پشكداری د رویدانێت ١ێ ئایارا ١٩٩٤کرییە، پشكدارى د داستانا كه‌سنه‌زان، دولا بالیسان و گه‌له‌ك داستانێن دى یا کری. ل ١٣ێ ئادارا ١٩٩٣ دهێته شه‌هید كرن.
سەرچاوە:
ئەرشیفی دەستەی ئینسکلۆپیدیای پارتی پارتی دیموکراتی کوردستان.
