شەهید مستەفا حاجى عەبدوڵا بەگ مەلاعەزیز، ناسراو بە مستەفا بەگ فەقیانى، ساڵى ١٩٣٩ لە گوندى فەقیانى سەر بە قەزاى ڕواندز پارێزگاى هەولێر لەدایک بووە، خێزاندار بووە و خاوەنى سێ کوڕ و سێ کچ بووە، لە ٨ى ئابى ١٩٧٤ بەهۆی تۆپبارارنى سوپاى عێراق بۆسەر بارەگاى هێزی پێشمەرگە لە هاوینەهەوارى بێخاڵ شەهید بووە.
ساڵى ١٩٥٦ چووەتە خزمەتى سەربازى لە شارى موسڵ و تا ساڵى ١٩٥٨ بەردەوام بووە، بەشدارى لە هەڵگەڕانەوەى شەواف کردووە، ساڵى ١٩٦٥ پەیوەندى بە هێزى پێشمەرگەى کوردستان کردووە و لە هێزى باڵەک بە فەرماندەیی مەلا ئەمین بارزانى بووەتە پێشمەرگە، پلەى سەردەستەى وەرگرتووە، شارەزایی لە بەکارهێنانى هەموو جۆرە چەکێک هەبووە.
سەرچاوە:
١- ئەرشیفى دەستەى ئینسکلۆپیدیاى پارتى دیموکراتى کوردستان.
