ژیاننامە
محەمەد مستەفا حەسەن حەیدەر، ساڵی ١٩٣٣ لە گوندی حەمەی مرواری سەر بە ناحیەی خورماڵی پارێزگای هەڵەبجە لە دایکبووە، گوندنشین بووە و سەرقاڵی کاری جوتیاری بووە، محەمەد مستەفا خێزاندار بووە و خێزانی ناوی سەفیە ڕەحمانە و خاوەنی یەک کوڕ و سێ کچە بە ناوەکانی عومەر، سەلما، فاتیمە و ڕەحمە. ساڵی ١٩٦٤ شەهید بووە.
خەباتنامە
شەهید محەمەد مستەفا، ساڵی ١٩٦٣ بۆتە پێشمەرگە لە لقی جەمال نامیق، سەربە بەتالیۆنی خەباتی پارتی دیموکراتی کوردستان، لە لقی جەمال نامیق بەشداری لە چەند چالاکییەکی پارتیزانی کردووە، وەک چالاکی ڕێگەی عەربەت، چالاکی کارەبای سەیدسادق، چالاکی ڕێگەی قڕگە.
لە٥ی تشرینی یەکەمی ١٩٦٤ محەمەد مستەفا و دەستەیەک هاوسەنگەری لەسەر ڕێگەی نێوان سلێمانی- قڕگە بۆسەیان بۆ کاروانێکی سەربازی ڕژێمی ئەوکاتی عێراق داناوە، لە ئەنجامی ئەو ڕووبەڕووبوونەویەدا شەهید بووە.
سەرچاوە:
ئەرشیفی دەستەی ئینسکلۆپیدیای پارتی پارتی دیموکراتی کوردستان.
